مُذيعة ONTV تطالب بقضاء العيد بدون "تحرش"

قالت الإعلامية مارينا جميل، إن الفتيات والسيدات المصريات يردن قضاء العيد بدون تحرش، ولا نجد فتاة أو سيدة في الشارع تتعرض للتحرش، مضيفة: “العيد فرحة وأمان وسلام بالمعنى الحقيقي ومن غير تحرش”.

وشددت “جميل” خلال تقديمها برنامج “صباح أون” المذاع عبر فضائية ONTV، اليوم الجمعة، مع الإعلامي محمد عبده بدوي، على ضرورة أن تقدم أي فتاة تتعرض للتحرش بلاغًا، لأنها مواطنة حرة، ومن حقها تفرح، وتحتفل بالعيد، مُضيفة: “بلاش نقول البنت هي اللي غلطانة، وأن لبسها السبب، وياريت كل واحد في الشارع يخليه في حاله”.

تابعت مُقدمة برنامج “صباح أون”: “عايزين نعدي العيد ده من غير تحرش، ومن غير ما نقول إن في بنت حد مد إيده عليها ولا نبقى حاسين إن العيد فرحة وفيه حالات تحرش، ياريت كل واحد يكون في حاله، ومش هقول اعتبرها زي أختك وبنتك والكلام ده، لا هقول خليك في حالك مع اللي عندك في البيت بوجهة نظرك وتربيتك”.

https://www.youtube.com/watch?v=mRvZ8zstlg0