السيسي للمصريين: هتعرفوا أكتر مني الحكومة كويسة ولا لأ؟

وجّه الرئيس عبد الفتاح السيسي عبر كلمته خلال تدشين إستراتيجية التنمية المستدامة “رؤية مصر 2030″، رسالةً لمجلس النواب، قائلًا: “ليه مش قادرين تحسوا إنكوا عملتوا حاجة حلوة؟ الإختلاف في كل برلمانات العالم وفي برلمانيين بيضربوا بعض”، كما دعا الرئيس البرلمان للتواصل مع أهالي سيناء والصعيد والنوبة.

وأضاف الرئيس موجهًا عتابًا للشعب المصري لانتقاد الحكومة، قائلًا: “إنتوا هتعرفوا هما كويسن ولا لأ أكتر مني؟ أنا بقعد معاهم كل يوم”، وواصل: “هو بياخد إيه علشان يستحمل انتقادك طول النهار والليل، ده غير اللي بيتكتب في الجرايد”.

وطالب الرئيس الإعلام بتوفير مناخ مشجع لعمل الحكومة بعيدًا عن القلق والتوتر وتهييج الرأي العام، وأضاف: “لازم نوفر مناخ التشجيع للدولة أنا بقعد مع الحكومة 8 ساعات وإنتوا لازم تشجعونا لأن القلق هيخلينا نخاف”.

وقال الرئيس: “أنا لو كان عليا هقول تعبير صعب جدًا، والله العظيم لو ينفع أتباع هتباع”، ليصفق الحضور أمام صمت الرئيس متأثرًا لثواني، وأضاف السيسي: “لو كل يوم كل مصرى يصبح على مصر بجنيه من الموبايل بتاعه يعني في الشهر سنجمع 300 مليون جنيه، إحنا بنتكلم كتير، بس إحنا عايزين عدالة اجتماعية؟”.

وأكد الرئيس أنه لا يشكك في أحد ولكن من سيقترب من الدولة سيطيح به من على الأرض، وتابع موجهًا حديثه بجدية وحذر: “إحنا بنحاول نعمل دولة حقيقة، متسمعوش كلام حد غيري، أنا لا بكدب ولا بلف وأدور، ولا ليا مصلحة غير بلدي، ومش هسمح إننا نقطع مصر، محدش يفكر إن طول بالي وخلقي الحسن معناه إن البلد هتقع، قسمًا بالله اللي هيقرب للبلد هشيله من على وش الأرض”.

وتابع موجهًا حديثه للإعلام بشكل غير مباشر: “نفسي اللي بيتكلم أمسكه الوزارة معايا وأشوفه هيعمل إيه”، وواصل: “في ناس بتتكلم في مواضيع مش عارفاها، علشان كده اتكلمت وقولت تفاصيل متنفعش على الهواء، ولكن ده أقل من إن البلد تضيع مني”.

اقرأ أيضًا:

5 أسباب تفسر النجاح السريع لنهار جديد

النهار وريهام سعيد ..شهور الفرص الضائعة

20 ألف جنيه وراء اعتزال تامر عبد المنعم

ماذا فعلت الميديا في أزمة الدرب الأحمر؟

يوتيوب يغلق حسابات القنوات في هذه الحالات‎‎

لماذا لم تنظم جنازة عسكرية لهيكل؟

75 صورة لمحمد حسنين هيكل ترصد تاريخ العرب

.

تابعونا علي الفيس بوك من هنا

تابعونا علي تويتر من هنا