كلمات أغنية "كان عندك كام سنة" لـ شيرين عبد الوهاب
طرحت شركة "Warner Music MENA" أغنية جديدة للفنانة شيرين عبد الوهاب تحمل اسم "كان عندك كام سنة" عبر قناتها الرسمية على موقع الفيديوهات الشهير "يوتيوب".
أغنية "كان عندك كام سنة"من كلمات أمير طعيمة، وألحان مدين، وتوزيع توما.
وجاءت كلمات أغنية "كان عندك كام سنة" كالآتي:
كان عندك كام سنة لما عرفت
إن اللي يحب لازم يندم
ومسيره في يوم يفهم
الحب خلاص مبقاش بيأكل عيش
كان عندك كام سنة لما عرفت
مش كل الناس حلوة
والدنيا دي مش غنوة
فيه ناس في الدنيا بتاخد ما بتديش
تجيب الطيبة وحسن النية يا قلبي منين
ما تفكر فيا بلاش غشومية قاسينا سنين
وتحب في مين وتضحي
لمين والناس نايمين
كان عندك كام سنة لما عرفت
فيه ناس عايزاك تضعف
تفضل تخطف تخطف
وهتفضل تسأل نفسك ليه وإزاي
كان عندك كام سنة لما عرفت
تديهم تكرمهم
وفي وقت ما تحرمهم
بيدوبوا أوام زي السكر في الشاي
نرشح لك: شاهد.. أغنية "كان عندك كام سنة" لـ شيرين عبد الوهاب
كانت الفنانة شيرين عبد الوهاب، قد أحيت يوم 7 أغسطس الماضي، حفلا بالساحل الشمالي، وكشفت عن حبها الكبير لجمهورها، مؤكدة أنهم سندها في كل وقت.
وفاجأت "عبد الوهاب" جمهورها بتقديم دويتو غنائي مع المطرب الشعبي محمود الليثي على خشبة المسرح، حيث أعادا سويًا أغنية "عم المجال كله" وسط تفاعل وتصفيق كبير من الحضور.