دان آدم بعد إعلان رغبتها في الانفصال: كان نفسي العميد يجيب لي حقي!
نشرت دان آدم، زوجة حسام حسن، المدير الفني لمنتخب مصر لكرة القدم، منشورًا أثار الجدل عبر منصات التواصل الاجتماعي، أعلنت خلاله رغبتها في الانفصال، مؤكدةً أنها ستتخذ الإجراءات القانونية اللازمة.
تواصل إعلام دوت كوم مع دان آدم، وفيما يلي أبرز تصريحاتها:
- أنا طول عمري بدافع عن حسام حسن وواقفة في ضهره، ومبسمحش لحد يتكلم عنه، لكن بعد الواقعة الأخيرة لما تعرضت للضرب، كنت بتمنى يجيب لي حقي.
- تعرضت للضرب والإهانة والتزمت الصمت احترامًا لـ "حسام" ولفرق السن بيني وبين زوجته السابقة، وطلعت اتكلمت وقلت للناس إن دي مؤامرة ضده، ومحدش ينساق وراها.
- كنت بدافع عنه، لكن مشوفتش ده منه في الموقف الأخير.. كان نفسي يدافع عني وعن أولاده.
- الناس فاكرة إني متدلعة، وحتى لما قلت "هو أنت ليك غيري يا حسام؟" مكنتش بقولها بدلع، لكن بسبب الإهانة اللي اتعرضت لها.
- أنا مخربتش بيت حد، أنا عرفت حسام وهو منفصل عن زوجته، لكنه كان بيحافظ على العلاقة بينهما عشان الأولاد.
- كل كلامي هزار وده طبعي وأسلوبي، لكن الواقعة الأخيرة أثرت فيا وتعبتني نفسيًا جدًا.
- الخلاف بينا زاد بسبب وجوده حاليًا في بورتو مارينا، في المكان اللي تم الاعتداء علي فيه بالضرب.
- كانت فيه محاولات للصلح، لكن الأطراف اللي حضرت الجلسة دي مكنوش عايزين صلح.
- الناس بتقول إني واخدة فلوسه ومتجوزاه وهو أكبر مني بـ 20 سنة، وكل ده مش حقيقي. محدش عارف الحقيقة ولا اللي بينا، وربنا يعلم إني مخدتش منه حاجة، أنا حتى معنديش عربية شخصية وعايشة في شقة عادية.
- رفضت أروح بورتو مارينا معاه وقلت له عشان متحصلش مشكلة مع عائلتك، لكنه صمم نروح، وفوجئت باللي حصل هناك.
- المحامي بتاعي دلوقتي بيتولى الموضوع، وهنشوف إيه اللي هيتم، وممكن يحصل صلح أو لا.
- أنا ست عادية وكان نفسي أحس أن جوزي واقف في ضهري، زي ما أنا بقالي 11 سنة واقفة في ضهره.