نص تصريحات أحمد شوبير التي أثارت غضب نواب بورسعيد

أثارت تصريحات الإعلامي أحمد شوبير، خلال برنامجه "هنا المونديال 2026" المذاع عبر قناة النهار، حالة من الجدل خلال الساعات الماضية، بعدما تطرق في حديثه إلى النادي المصري وجماهيره، في تصريحات أعادت للأذهان أحداث عام 2012، والتي أسفرت عن وفاة 72 من مشجعي النادي الأهلي.

وقررت لجنة الشكاوى بالمجلس الأعلى لتنظيم الإعلام، برئاسة الإعلامي عصام الأمير وكيل المجلس، وبالتنسيق مع لجنة ضبط أداء الإعلام الرياضي برئاسة المستشار عبد السلام النجار، استدعاء الممثل القانوني لقناة "النهار" ومسؤول الحساب الإلكتروني المنسوب للإعلامي أحمد شوبير على موقع "فيس بوك"، لجلسة استماع بشأن الشكاوى المقدمة ضد شوبير.

أوضح المجلس، في بيان رسمي، أن القرار جاء على خلفية شكاوى تقدم بها عدد من أعضاء مجلس النواب عن محافظة بورسعيد، اعتراضًا على تصريحات أدلى بها أحمد شوبير خلال برنامج "هنا المونديال" المذاع على قناة النهار يوم 10 يونيو، بالإضافة إلى مقطع فيديو نُشر عبر حسابه الرسمي على مواقع التواصل الاجتماعي بتاريخ 11 يونيو الجاري.

كما أشار المجلس الأعلى لتنظيم الإعلام إلى أن جلسة الاستماع تأتي في إطار فحص الشكاوى واتخاذ الإجراءات اللازمة وفقًا للضوابط والمعايير المنظمة للعمل الإعلامي.

وقال "شوبير" خلال نهاية برنامجه في الحلقة التي أُذيعت بتاريخ 10 يونيو الجاري: "أنا بس الحقيقة اتخضيت بعد مباراة المصري والفوز بكأس الرابطة، إحنا كلنا بنحب الأندية الكبيرة، لكن ما معنى إنك تفوز وبعدين تشتم النادي الأهلي؟ أنا مش فاهمها لحد دلوقتي.. هو ما كفاكش 72 واحد ماتوا؟ يعني هم ماتوا وغلطانين كمان؟ ولا القصة شكلها عامل إزاي؟".

أضاف: "أرجو من السيد كامل أبو علي، رئيس النادي، وما يخافش من حد، لأن الأصول دايمًا هي اللي بتبقى موجودة.. مش فاهم إيه سر العلاقة الغريبة جدًا بين إن أي فريق يكسب ويهاجم الأهلي.. الأهلي والزمالك بيتنافسوا مع بعض، ودول أكبر شعبية، لكن أي فريق داخل على الأهلي، مش فاهم ليه.. يعني إنت عايز كمان 72؟ ولا القصة شكلها عامل إزاي؟ والكبار لم يتحركوا حتى هذه اللحظة، أرجو من الدولة أن تتدخل".

وفي حلقة 11 يونيو من نفس البرنامج، قال "شوبير" خلال حديثه عن هجوم الجماهير على اللاعب حمزة عبد الكريم: "ارجوكوا كفايه تقليل من نجومنا.. افرحوا باللي إحنا فيه، حاجة غريبة جدًا جدًا، قالبين الدنيا أهلي وزمالك، أهلي وزمالك".

تابع: "إمبارح كنت بتكلم على إن الدولة مش هتعود للخلف، ومش هترجع بظهرها، ولن تسمح لجماهير متعصبة إنها توصلنا لمأساة حصلت قبل كده في 2012، ومش هتحصل تاني.. الدولة شايفة وعارفة، ومش هيحصل تاني، لأنه كانت هناك مقدمات أدت إلى كوارث وأدت إلى بلاوي وأدت إلى 72 ضحية في ملعب كرة قدم.. بقولها وبأكد عليها، بسبب التعصب، وبسبب ناس نصبوا نفسهم إنهم اللي عارفين وهم اللي بيقولوا وهم اللي بيخلوا، وبسبب هذا التعصب المقيت، و(هات كفنك معاك) و(حضّر كفنك معاك) وتعالى واستنى، وهترجع لأمك جثة هامدة، حصل ومات 72 واحد".

أضاف: "فلما الواحد يطلع يحذر وينبه ويقول: خلي بالكم، فيه ظاهرة بتتكرر مرة أخرى. حذرنا منها في 2007، وقعدت أحذر لوحدي، واتهاجمت وتوقفت، ولا يفرق ولا هتفرق، وهصمم على موقفي.. الدولة شايفة المرة دي كويس قوي، ومش هترجع بظهرها، ومش هتسمح لقلة متعصبة، أيا كان منصبهم إيه، خلي بال حضراتكم، لو إنت مش عارف فين، ولو إنت مش عارف إيه، ولو إنت عايز تركب موجة، كل ده مش هيفرق.. اللي هيفرق إن الدولة تمشي في الطريق الصحيح، وإن إحنا ربنا يكرمنا وننجح إن شاء الله، لكن لن تسمح الدولة مرة أخرى، وبقول كلام وأنا مسؤول عنه، إن أي حد يتسبب في جرح، وليس فقدان، شخص واحد مصري في المدرجات مرة أخرى، أيا كان انتماؤه، وأيا كان بيشجع مين".

استطرد أحمد شوبير: "الدولة بتحاول مع الأندية الشعبية، واتعمل استاد للنادي المصري، وأول ما نادي إن المصري يرجع يلعب في ملعبه مرة أخرى، وإن مباراتي الأهلي والمصري يتلعبوا سواء خارج القاهرة أو خارج بورسعيد، لأن من حق النادي المصري يلعب في ملعبه.. لكن يبدو أن هناك البعض داخل بورسعيد مش عايز ده، ويبدو إن فيه البعض عايز يركب موجة، ويقوم جاي لابس الفانلة بعد ما يجيبوا الجون التاني، ومش عارف إيه، ويعمل إيه، وقصة إيه.

ده أمر يا جماعة مش طبيعي، ما ينفعش، ما ينفعش".

اختتم أحمد شوبير حديثه، قائلا: "فالدولة مش هتسيب أي حد خالص يبقى على حساب مصر أو على حساب البلد، وأنا لما بشتغل في قضية بكملها للآخر، وأيًا كانت العواقب، عشان حضراتكم تبقوا عارفين، لا يهمني رضا الجمهور ده ولا غضب الجمهور ده، يهمني إن عندي رسالة لازم أوصلها، وهوصلها حتى النهاية".