استمع.. أغنية "هكمل المشوار" لـ رضا البحراوي
طرح المطرب رضا البحراوي أغنية جديدة تحمل اسم "هكمل المشوار" عبر قناته الرسمية على موقع الفيديوهات الشهير "يوتيوب".
أغنية "همكل المشوار" من كلمات عمرو قطب، ألحان خالد سلطان، توزيع موسيقي طه الحكيم.
نرشح لك: بسبب "حكيم باشا".. سهر الصايغ: دعوا عليّ في رمضان
وجاءت كلمات أغنية "هكمل المشوار" على النحو الآتي:
مشيت السكة من أولها
ومن الآخر أنا هكملها
ومهما الدنيا عاندتني
مطرح ما ترسي أدقلها
لا يوم هتجيبني لمس أكتاف
ولا هجيب عمري ورا ولا أخاف ه
تعمل فيا إيه يعني؟!
في واحد يا ما لف وشاف
من يوم ما وعيت على الدنيا
ما بطلتش شقى وتنطيت
وخبطة فيا ورا التانية
ناشفه دماغي زي الحيط
وقعت كتير وقمت كتير
ويا ما شبعت فيها تخبيط
ورجليا اتهرت تكسير
وعادي بقول ده شرخ بسيط
نشف عضمي وبقيت جامد
فرمتني الحياه بجبروت
ومهما الدنيا هتعاند
هكمل المشوار وأفوت
لو فين حقي راح أجيبه
لو حتى في بّق الحوت
ولو فيها موتي ما أسيبه
ولا اسيب حد فيا يشوت
هتاخد مني إيه تاني؟
ما عنديش أنا اللي أبكي عليه
ما حلتيش إلا أحزاني
وضهري يتيم بقاوح به
وعمري بيجري على الفاضي
وشعري الشيبه سرحت فيه
ومهما هيحصل أنا راضي
وهكمل المشوار وأمشيه
من يوم ما وعيت على الدنيا
ما بطلتش شقى وتنطيت
وخبطة فيا ورا التانية
ناشفه دماغي زي الحيط
وقعت كتير وقمت كتير
ويا ما شبعت فيها تخبيط
ورجليا اتهرت تكسير
وعادي بقول ده شرخ بسيط
نشف عضمي وبقيت جامد
فرمتني الحياه بجبروت
ومهما الدنيا هتعاند
هكمل المشوار وأفوت
لو فين حقي راح أجيبه
لو حتى في بّق الحوت
ولو فيها موتي ما هسيبه
ولا اسيب حد فيا يشوت