بعد تردد شائعات اتهامه بقضية مخدرات.. حسن الشافعي يوضح
نفى الملحن حسن الشافعي ما تردد حول القبض عليه بتهمة الاتجار في المواد المخدرة، مؤكدا أن الخبر المتداول لا أساس له من الصحة، وأنه تفاجأ به أثناء سفره خارج البلاد.
قال "الشافعي" في فيديو عبر حسابه الرسمي على "إنستجرام": "أنا بقالي يومين مسافر، وفجأة تليفونات ورسايل مرعبة.. أنا ماكنتش فاهم فيه إيه، وكنت فاكر إن ده شخص عشوائي كتب حاجة على (فيس بوك) ".
أضاف: "المرعب إن دي مؤسسة إعلامية وليها مدير وناس بتشتغل، ماعندهمش الوقت والمجهود يتعبوا نفسهم ويشوفوا مين الشخص المقصود".
تابع: "ماأعتقدش إن اللي كتب حاجة زي كده عنده مبادئ إنسانية.. طب أولاد الراجل ده لما يصحوا الصبح ويلاقوا خبر زي ده؟".
أكد أنه سيتخذ الإجراءات القانونية ضد مروجي الشائعة، قائلاً: "حقي الشخصي هاخده بشكل قانوني مع كل شخص شارك في الإرهاب الإعلامي في المؤسسة دي"، مختتمًا: "هما مسحوا الخبر ده عشان مايجيش عليهم حاجة قضائية، وماكنش عندهم ضمير يعتذروا عن الخبر ده".
