محمد أحمد ماهر: والدي كان رافض دخولي الفن
أضاف "ماهر" خلال لقائه في برنامج "كلام الناس": "والدي كان رافض دخولي الفن، كان حلم حياته يشوفني طيار، وبعد رفضه لدخولي معهد الفنون المسرحية وخناقات وزعل كبير، دخلت إعلام.. هو كان عارف قد إيه المهنة متعبة نفسيا وعصبيا".
أوضح: "قبل الثانوية مكانش باين لي ملامح أنا عايز أطلع إيه، لكن كنت بقلد الشخصيات وصحابي لفتوا نظري للموضوع ده، لحد ما قررت في الثانوية العامة إني هاخد الإتجاه ده".
أشار: "أنا جالي أهم عرض في حياتي وأنا صغير مع الأستاذ الكبير فؤاد المهندس وكنت صغير جدا عندي 6 سنين ورايح مع والدي رايح مع والدي مسرحية لأستاذ فؤاد وقال له أنا عايزه معايا في العمل، فضل أبويا يقنعني بس أنا كنت خايف من التمثيل جدا ومش شايف إني أنفع ممثل، كنت بتكسف جدا".
نرشح لك: محبة لـ دينها.. أحمد جمال سعيد يتحدث عن والدته مها فريد شوقي
يشار إلى أن الفنان محمد أحمد ماهر شارك في مسلسل "حق عرب" بطولة أحمد العوضى، دينا فؤاد، رياض الخولى، وفاء عامر، وليد فواز، دنيا المصرى، كارولين عزمى، أحمد صيام، سلوى عثمان، وفاء مكى، أحمد عبد الله محمود، الطفل منذر مهران، وعدد آخر من الفنانين، تأليف محمود حمدان وإخراج إسماعيل فاروق وإنتاج شركة سينرجى، وتدور قصته في إطار شعبي مليء بالأكشن والإثارة والتشويق.