علي ربيع: فكرة فيلم "عالماشي" جت لي وأنا بتمشى
تحدث الفنان علي ربيع، عن كواليس تصوير فيلم الجديد "عالماشي" الذي تم طرحه مؤخرا بالسينمات.
قال "ربيع" في مداخلة هاتفية بحلقة برنامج "كلاكيت" الذي تقدمه الإعلامية لينة الطهطاوي عبر أثير إذاعة نجوم إف إم، إنه دائما ما يسعي للتفكير في أفكار جديدة للأفلام، للخروج من فخ الكوميديا المتكررة، موضحا: "الفكرة دي جات وانا بتمشى فعلا في الشارع ، كنت بتمشى مسافة طويلة جدا، وبعدين قولت طب لو انا حصلي حاجة إني مقفش خالص ممكن يحصلي ايه!، الخيال ده جالي وكلمت المؤلفين فعجبهم جدا الخيال ده وفعلا كتبوا فيلم كويس".
أضاف: "الفيلم ده قعدنا فيه سنه بالظبط من التحضير لحد التصوير خد وقت طويل جدا لأن تصويره صعب جدا وطول الفيلم بتتحرك والكاميرات ماشية بتتحرك".
وعن أصعب مشهد قال: "لما عرفت المرض ومشيت في الشوارع كلها ده كان صعب جدا لأن بالليل وكل الناس ماشية معانا".
فيلم "عالماشي" بطولة علي ربيع وآية سماحة ومحمد رضوان وصلاح عبد الله وكريم عفيفي وانتصار وعبد الله مشرف، من تأليف أحمد عبد الوهاب وكريم سامي وهدير الشريف، وإخراج محمد الخبيري.
تدور أحداث فيلم "عالماشي" حول هادي عبد الهادي، وهو شاب كسول يبلغ من العمر 30 عامًا، تنقلب حياته رأسًا على عقب عندما يُشخّص بحالة نادرة تستلزم منه الحركة المستمرة لتجنب جلطات الدم القاتلة؛ فـ يبدأ "هادي" رحلة مليئة بالفكاهة من المشي المستمر والركض، من أجل إيجاد طرق مبتكرة للبقاء نشيطًا.
علي ربيع: فكرة فيلم "عالماشي" جت لي وأنا بتمشى