إبراهيم فايق يعلن مغادرته قناة أون تايم سبورت
أعلن الإعلامي إبراهيم فايق، مغادرته قناة أون تايم سبورت.
كتب "فايق" عبر حسابه الشخصي على موقع "إنستجرام": "الرحلة هي الكنز.. والكنز عشرة وصحاب لقيتهم في جمهور التالتة.. مؤمن أن مفيش حاجة في الدنيا بتدوم بس اللي بيدوم المحبة والسيرة الحلوة".
تابع: "أنا اتشرفت اني دخلت المتحدة من ٥ سنين.. اجتهدت قدر ما مكنني ربي والحمد لله أصبت وأخطأت وكان ربنا دايما معايا، ولأن لكل مشوار محطة بيقف فيها، فمشواري مع جمهور التالتة بيقف النهاردة والحقيقة وأنا بودع أون تايم سبورت هيفضل في رقبتي دين كبير ليها بسبب النجاح اللي وصلت له من خلالها".
اختتم حديثه: "شكرا جزيلا للأستاذ عمرو الفقي الرئيس التنفيذي للشركة المتحدة، شكرا للأستاذ أسامة الشيخ رئيس قطاع الرياضة بالمتحدة، شكرا لأستاذ ألبيرت شفيق رئيس قطاع التلفزيون، شكراً لحبايبي وزمايلي وإخواتي في الإعداد والإخراج والإنتاج والإضاءة والإكسسوار والتشغيل والتنفيذ... ويعلم ربنا مأثر فيا قد إيه أني مش هشوفكم زي ما هتوحشوني كنت متعود.. وأخيرا شكرا كبييييرة لك أنت عزيزي المشاهد والمتابع العظيم صاحب الفضل الأول والأخير بعد ربنا.. هتوحشني وإن أراد ربنا هنتقابل في
محطة جديدة.. ونكمل المشوار سوا".
نرشح لك: أحمد شاكر عبد اللطيف: رقمنة التاريخ الفني يضمن حفظه لأجيال