عن انفصال والديه والصلاة.. أبرز تصريحات حسام حبيب في "ع المسرح"
قال "حبيب" في برنامج "ع المسرح" المذاع على شاشة الحياة وتقدمه الإعلامية منى عبد الوهاب: "مكنتش بحب أروح المدرسة بسبب الخجل، انفصال الأب والأم خلى عندي خوف من الانفصال عن أي حاجة بحبها".
تابع: "كان ساعات بيجيلي وسواس قهري بعد ما حصلت لي أحداث في أوائل العشرينات من عمري".
أشار إلى أنه عندما يخطئ، يحب العقاب لأنه يكره الكذب، مضيفا: "وضميري بيرتاح، العقاب أحسن من إني أتعاقب في الآخرة أو أعيش عيني مكسورة".
ذكر: "أنا بحب ربنا جدا ودايما في دماغي بس حاجة غريبة جدا مبصليش، أنا خايف ابقى مزعل ربنا مني علشان كده اتفادى الاتصال المباشر مع ربنا وده غلط، الهروب فيه نوع من أنواع الكذب لأن ربنا شايف عيوبي ومطلع على كل شيء وشايفني طول الوقت، وبالتالي الصلاة تنهى عن الفحشاء والمنكر ولما اقف قدام ربنا أخطائي هتقل".
لفت إلى أنه أنه زار العديد من الأطباء النفسيين، لكنه كان يشعر دائما بأنه أذكى منهم، موضحا أنه لم يكن يذهب إلى الطبيب النفسي للعلاج، بل كان يبحث عن طريقة لإيصال مشاعره إلى أهله أو إثارة التعاطف تجاهه، متابعا: "أنا كنت بذهب للطبيب أبيع له الحكاية -مش علشان اتعالج- أنا رايح وفي مخي؛ عايز أوصل لأهلي بأنهم يعاملوني بطريقة معينة، أو عايز أحس إحساس الضحية فأقول له أنا حصل فيا كذا".
نرشح لك: إيناس الدغيدي: أنا من المخرجين أصحاب الفكر
أردف: "كنت لسه بتكلم مع دكتور شاطر أوي عن قريب، وقالي صلي ولما بدأت أصلي حسيت أن أنا عامل الواجب اللي عليا، ومبقتش خايف من لقاء ربنا، بالعكس أنا عايزه وحابه".