شاهد.. سبب بكاء سيمون على الهواء

بكت الفنانة سيمون أثناء حديثها عن والدها الراحل، موضحة أن وفاته كانت مؤلمة جدا بالنسبة لها، لأنها جاءت بشكل مفاجئ.

أضافت "سيمون" خلال لقائها ببرنامج "واحد من الناس" مع الإعلامي عمرو الليثي المذاع عبر شاشة "الحياة": "وفاة والدي كانت مؤلمة بالنسبة لي، لأنها كانت مفاجأة، وهو من النوع اللي مهتم بصحته جدا، وعمري ما شوفته عيان".

أشارت: "لكن في سنة من السنين، سنة 1991 عرفنا أن فيه سم في الفسيخ، والناس تساقطت كتير أوي في الفترة دي وهو توفى في 13 يوم عشان صحته كانت كويسة فقدر يتحمل 13 يوم".

أوضحت: "كأنه كان عارف أنه ماشي، كان مدربني على حاجات الله يرحمه، هي الدنيا كده.. وفاة بابا كان لحظة نهاية، كان في حروب كتير عشان بابا مشي كأن ضهرك اتكسر، اكتشفت أن ممكن الضهر يتكسر عشان تعرف تكمل وعشان لما تيجي أي حاجة بعد كده تبقى مقارنة بالكسرة الكبيرة لا شيء".

أضافت باكية: "عايزة أقوله يا رب تكون مبسوط ومرتاح واطمن".