كلمات أغنية "هل؟" لـ شارموفرز
طرح فريق "شارموفرز" أغنية جديدة بعنوان "هل؟"، عبر قناة الفريق الرسمية على موقع "يوتيوب".
الأغنية من كلمات محمد الشافعي، وألحان أحمد بهاء، وتوزيع شريف الضبع، وميكس وماستر محمد صقر.
نرشح لك: موعد طرح أغنية "كده لاء" لـ أحمد سعد
وجاءت كلمات الأغنية كالتالي:
هل فيه طريقة للرجوع للحياة؟
بعد الحقيقة وبعد اللي شوفناه
بعد انعدام الإنسانية والرجوع للجاهلية
والمشاهد المأساوية وكل اللي عيشناه
هل فية طريقة نبتسم ونعيش
والناس هناك يومهم ميعديش
مع إننا نفس القضية
وكلنا نفس الضحية
الفرق بينا خطوتين
يعني المسافة مفيش
بعد استماع
صوت الاهات على التليفونات
رؤيا الوشوش المقهورين جوا الشاشات
بعد ما عرفنا ألام وعيونا بطلت تنام
وحضرنا قتل الأُمنيات
وشوفنا ناس بقلوب حجر
عُمي النظر اخترعوا أسباب للسكات
ميهمهومش لا صوت صريخ ولا صوت عياط
ويهمهم صوت ضحكهم وقت الحداد
هل فيه طريقة للرجوع للحياة
بعد سمع
بُكا البنات على الأمهات
وجع الأم وحزنها خوفها وكسرة قلبها
قلة حيلتها وضعفها وأملها تحصل معجزات
هل فية طريقة نبتسم ونعيش
والناس هناك يومهم ميعديش
مع إننا نفس القضية
وكلنا نفس الضحية
الفرق بينا خطوتين
يعني المسافة مفيش
بس إحنا برضو مؤمنين بالله
مين يهزم اللي ربه واقف معاه
هنشوف على وشوشهم في يوم
نفس الألم نفس الوجع والكسرة
والخوف والهموم
والفرق بينا إننا
مسلمين لـ ربنا
ووعده لينا إننا هنقوم