بـ27 فقط .. أحمد موسى يحرض على المتلاعب بسعر السكر
قال "موسى" خلال برنامج "على مسئوليتي" المذاع على قناة "صدى البلد"، اليوم الأربعاء: "أقدر أقولك على الهواء هناك انفراجه قريبا جدا في موضوع السكر وفيه ضخ كميات كبيرة من السكر بالأسواق"، موضحا أن هناك 4 شركات لصناعة السكر تضخ يوميًا 8 آلاف طن سكر بسعر 27 جنيه كيلو.
نرشح لك:
طالب المواطنين بعدم دفع أكثر من 27 جنيها لكيلو السكر، قائلا: "متدفعش حاجة أكتر من كده ولو حد قالك أكتر بلغ عنه فورا لا هايبر ولا ماركت ولا متجر.. أي حد يبيع السكر بسعر أزيد من 27 جنيه بلغ عنه فورا أيا كان مين".
أشار أحمد موسى، إلى أنه تم إبلاغ جميع المحلات والتجار والمبادرات بأن السعر الرسمي للسكر 27 جنيه، مؤكدا: "مفيش حاجة اسمها بـ 50 ولا 60 جنيه لحد النهاردة بسمعها".
نرشح لك: تفاصيل حالة الطقس الأسبوع المقبل
تابع: "إحنا مش عايزين أزمات في البلد لما تتحل الأزمة نعرضها ونشكر وزارة التموين.. النهارده عمل إيجابي يبقى نقول متشكرين كما كنا ننتقدهم في وقت الأزمة". مناشدا المواطنين بالإبلاغ فورا عن التجار الذين يبيعون السكر بأزيد من السعر الرسمي. مردفا: "ابعتلي على الهواء وأنا هبعتها للأجهزة الرقابة مش هتسيب حد يتاجر بقوت الناس".
كما ناشد أحمد موسى، الأجهزة المعنية بمتابعة السلاسل التجارية التي تبيع سلع أخرى مقابل شراء كيلو السكر. موضحا: "في متاجر تلزم المواطنين بشراء سلع بقيمة 250 جنيه علشان تاخد كيلو سكر، في أماكن معروفة وشهيرة جدا وفي أماكن تانية تلزم المواطن بشراء سلع بقيمة 100 جنيه.. الكلام ده لازم يتوقف فورا والناس تلتزم".