ليست متزوجة.. صاحبة واقعة الفستان الأزرق: مكسوفة أمشي في الشارع
كشفت ياسمين، صاحبة واقعة فيديو الرقص بالفستان الأزرق، تفاصيل الفيديو المنتشر لها على السوشيال ميديا وتقدم محاميها ببلاغ للنائب العام.
قالت “ياسمين” خلال مداخلة هاتفية مع الإعلامية بسمة وهبة في برنامج “90 دقيقة”، المذاع عبر شاشة المحور، إنها طالبة جامعية في عامها الدراسي الأخير بكلية الآداب جامعة المنصورة وليست متزوجة، وانتشار هذا الفيديو لها جعلها تفكر في عدم دخول الامتحانات لأكثر من مرة.
نرشح لك: فريدة الشوباشي: ثورة 30 يونيو أنقذت مصر من التفتيت
أضافت: “مش مسامحة أي شخص تنمر عليا، حسبي الله ونعم الوكيل في الشخص اللي نزل الفيديو والناس اللي استعملته بشكل خاطئ واتكلموا عني بالباطل وطلعوا عليا إشاعات”.
أردفت: “أنا بقيت مكسوفة أنزل أمشي في الشارع من كتر الكلام والتعليقات السخيفة وبقيت مكتئبة، من كتر الكومنتات اللي بتيجي من ناس الله أعلم بيهم هما بيعملوا ايه في حياتهم”.
استطردت: “مش مسامحة أي حد بيتكلم في عرضي وبيسيء ليا ولأهلي، أنا سواء كنت في فرح صاحبتي أو قريبتي أنا معملتش حاجة غلط و 90% من اللي كانوا واقفين ستات والفرح كان عائلي، لكن اللي بيقولوا دي راحة تجيب عريس ده كلام زبالة وبيوجع”.