إيمان عز الدين تدافع عن تصريح تقبيل يد الزوج
ردت الإعلامية إيمان عز الدين، على الانتقادات التي وجهت إليها بسبب تصريحها “إيه المشكلة لما تبوسي إيد جوزك”، وذلك خلال إحدى حلقات برنامج “الستات مايعرفوش يكدبوا”.
قالت “عز الدين” خلال فيديو نشرته عبر حسابها على موقع التواصل الاجتماعي “فيس بوك“: “الكلام اللي قولته أنا مقتنعة ومؤمنة بيه جدا، أنا قولت إيه المشكلة لما تبوسي إيد جوزك ده حب وحنية، مقولتلكيش لا سمح الله ده ذل أو مهانة أو أنك مستعبدة ومنبطحة أو منسحقة ومضطرة.. مقولتش كده خالص”.
نرشح لك: نجلاء بدر ترفض تصريحات رضوى الشربيني وياسمين عز
أضافت: “في فرق ما بين أن أنتي قاعدة جنبه مسكتي إيده وبوستيها، دي بالنسبة له كأنك بوستي قلبه على فكرة.. دي بتسمع جوا، قد إيه الإحساس اللي هيترجم عنده قد إيه الست دي بتحبني وقد إيه هي حنينة، وقد إيه الست دي عوضتني وحسستني قد إيه مقدراني”.