حورية فرغلي: نزار الفارس عرض على المساعد بتاعي رشوة
أعربت الفنانة حورية فرغلي عن آسفها الشديد، لسامحها بدخول المذيع العراقي نزار الفارس منزلها، لإجراء لقائًا تليفزيونيًا معهًا.
قالت “فرغلي” خلال مداخلتها مع الإعلامية أميرة بدر في برنامج “ملفات” على شاشة قناة “هي”: “أنا آسفة وأنا غلطانة إني دخلته بيتي وأنا معاشرتوش، وهو جاي عايز يعمل تريند، وده حتى كلم أشرف المساعد بتاعي وعرض عليه فلوس عشان يقول أننا اتخطبنا فعلا”.
نرشح لك: حورية فرغلي بعد أخبار خطبتها: عايشة كابوس
استكملت: “هو بيحب حورية لدرجة الجنون يعني يا حرام.. أقعد أحلم أنك تتجوز حورية، يعني إزاي يقول اتخطبنا المفروض في فستان وأهل وورد وحضور”.
أضافت: “أول مرة في حياتي أتعرض لحاجة كدا الشغل الأول كان بيخلي عندي كذا حاجة ومشغولة، لكن دلوقت معنديش شغل، الأسئلة كانت أوفر، وسألني على فيلم كلمني شكرَا ومشاهدي الجريئة فيها عملتها غصب عني ولا بمزاجي، قولتله أستاذ خالد يوسف مبيخليش حد يعمل حاجة غصب عنه، وسألني عن عمري عملت عن المثلية الجنسية؟، فقولت أني اصلًا معملتش دور جنسية مثلية إلا مشهد دقيقة في فيلم كان مع الأستاذة ليلى علوي”.
برنامج “ملفات” تقدمه الإعلامية أميرة بدر على شاشة قناة “هي” يوميًا من الأحد إلى الأربعاء وتناقش خلاله العديد من القضايا المطروحة على الساحة، وتستضيف خلاله عددًا من نجوم الفن والرياضة.
نزار الفارس عرض على المساعد بتاعي رشوة