شاهد.. كليب أغنية "باسبوري أزرق" لـ حمو بيكا

طرح مطرب المهرجانات حمو بيكا، فيديو كليب أغنيته الجديدة “باسبوري أزرق” عبر قناته على يوتيوب.

كما نشر حمو بيكا، مقطع فيديو عبر حسابه الشخصي على موقع التواصل الاجتماعي فيس بوك، وقال: “فيه كليب جديد ليا أنا نزلته اسمه باسبوري أزرق، كل عشاق حمو بيكا تخش تسمعه دلوقتي علي قناتي على يوتيوب”.

يذكر أن حمو بيكا، كان قد قال إنه السبب في شهرة عمر كمال، فبعدما كان يتقاضى 400 جنيه، أصبح يتقاضى 50 ألف، موضحا أنه كان يرشد حسن شاكوش للطريقة الصحيحة للغناء، فهو يصرخ عندما يغني.

أضاف “بيكا” خلال لقائه في برنامج “العرافة” المذاع عبر شاشة “المحور” وتقدمه الإعلامية بسمة وهبة: “أنا حظي وحش في صحابي، وبساعد كل الناس، وأنا اللي طلعت حسن شاكوش وعمر كمال، عمر كان بياخد 400 جنيه دلوقتي وصل 40 أو 50 ألف”.

أشار: “عمر كمال مبيعرفش يغني، هي مش بالصوت، محدش يعرف يسد معايا في التسجيل في الاستوديو.. حسن شاكوش بيصرخ وأنا كنت بوجهه لما بنسجل مع بعض، ومحدش كان يعرفه قبل ما يغني معايا وأنا كنت عمرو دياب الغلابة”.

أوضح: “أنا شايف حسن شاكوش في حتة غلط، مديرين أعماله بيسوحوه، مش كل يوم يروح يسهر، وبيسيب عروسته وينزل يسهر، آخر مرة كنت شغال قابلته بعد جوازه بعشرة أيام كان سهران، وبيبقى سهران مع صحابه عادي”.