جومانا مراد عن مشهد وفاة زوجها في "عملة نادرة": النصارى حزنهم شديد
تحدثت الفنانة جومانا مراد، عن مشهد وفاة زوجها في مسلسل “عملة نادرة”، موضحة أنها بحثت كثيرا قبل تجسيد المشهد فهي تعلم أن النصارى حزنهم شديد، لافتة إلى أنها لم تشعر بنفسها إلا وهي ساقطة في الأرض وتضع التراب فوق رأسها.
أضافت “مراد” خلال لقائها في برنامج “كلمة أخيرة” مع الإعلامية لميس الحديدي المذاع عبر شاشة “ON“: “عملت سيرش كتير وأنا عارفة أن حزن النصارى شديد وعارفه أنهم في الصعيد بيعملوا ده، وشوفت الحادثة اللي حصلت في ليبيا للمصريين، وأنا دايما بحاول أعرف الصعيد بيعملوا إيه، وفعلا محستش بنفسي غير وأنا واقعة الأرض وبحط التراب عن راسي”.
نرشح لك: جومانا مراد: الجمهور يناديني باسم شخصيتي في “بابا المجال”
أشارت: “المسيحيين والمسلمين بيلبسوا نفس اللبس احنا بس خلينا شعرها باين شوية، واكتشفنا أن هما واحد في حاجات كتير متقدريش تميزي بين الست المسيحية والست المسلمة”.
أوضحت: “الستات اللي بتقعد فترة وجوزها مسافر عشان لقمة العيش، ده من أهم المواضيع اللي تم طرحها في المسلسل، الست بتفضل 5 سنين أو 10 متشوفش جوزها محرومة من حياتها الطبيعية ومطمع، وهي في النهاية كتلة مشاعر إحنا عندنا في الإسلام في عدد معين من الأشهر وممكن تطلب الطلاق، وأنا بقول الستات دول ملايكة”.
أردفت: “أول مرة في حياتي أعمل عملين في رمضان وكانت مخاطرة بالنسبة لي، وغير أنها مخاطرة وصعبة كانت مرهقة جدا، أنا بخرج من لوكيشن أدخل لوكيشن تاني لشخصية تانية وعالم تاني وفي نفس الوقت على طول عندي قلق وخوف، إزاي هقدم الشخصيتين دول وهما عكس بعض تماما”.
View this post on Instagram