أحمد زاهر: في فنانين بتغير ومبتجبنيش عشان هاكل الجو

قال الفنان أحمد زاهر، إن جميع الفنانين الذي شاركهم في الأعمال ونجح معهم لم يشاركوه في أعمال مرة أخرى، لأنهم يخشون نجاحه.

أضاف “زاهر” خلال لقائه في برنامج “the nine show” مع الإعلامية دعاء صلاح: “هل أنا ببقى داخل عمل أمثل فيه عشان أضر اللي حواليا؟ أكيد لا، إحنا فريق، زي ما بيقولوا الأهلي كسب مش فرد، مسلسل (البرنس) نجح، مسلسل (لؤلؤ) نجح مش أحمد، الكل إحنا عمل متكامل”.

نرشح لك: طرد حسانين لطه من السوق.. ملخص الحلقة الثامنة من “سوق الكانتو”

أشار: “أنا بدخل أمثل الشخصية زي ما أنا شايفها وعمري ما بفكر أضر حد بس في ناس بتغير، مجبش أحمد عشان هياكل مني الجو، مفيش حاجة اسمها كده، إحنا بنمثل مع بعض، ولازم إحنا الاتنين نكون كويسين عشان المشهد يعلى لو أنتي وحشة وأنا كويس المشهد هيقع برضو”.

أردف: “في فترة مرضي ناس كتير جدا وأصدقاء مسألوش عليا، في 3 سنين كنتي مختفي فيهم أصدقاء الأصدقاء مسألوش عليا، عادي مشغولين، أنا دايما بحب أدي أعذار للناس”.