خالد الصاوي: ندمت على عدم الإنجاب وفكرت في التبني

أكد الفنان خالد الصاوي، ندمه على تأخره في قرار الزواج وعدم الإنجاب، مردفا: “ندمت على كل الحاجات غير الطبيعية اللي عملتها في حياتي في إني اتجوزت متأخر وإني مخلفتش، والخلفة ملهاش علاقة بالسند والضهر ولكن تأخرنا في فكرة الخلفة لما عدى الوقت”.

كشف “الصاوي” في حواره ببرنامج “حبر سري“، مساء الخميس، مع الإعلامية أسما إبراهيم، على قناة “القاهرة والناس”، عن أنه فكر في وقت من الأوقات أن يتبنى طفل ولكنه لم يكن متأكدا من كون الفكرة صحيحة أم لا. مضيفا: “مكنتش متأكد أنها فكرة صحيحة ولا لا، واللي يقدر يعمل كده ربنا يبارك له ولكن أنا متحرك وبسافر”.

تابع: “مراتي نفسها بتشتكي إني طول الوقت في شغلي مش في البيت وكمان هيبقى في مسئولية زي وجود طفل وأبقى مش قد المسئولية، وأخاف أعملها وأكون مش قدها وممكن أكفل حد ولكن مش عندي لأني ممكن أبوظ حياته أكتر ما أصلحها”.