عنبر باكية: ضحيت بالأمومة عشان أمي

انهارت الفنانة عنبر من البكاء على الهواء، بعد تحدثها عن والدتها الراحلة وأزمة مرضها لفترة طويلة.

قالت “عنبر” خلال لقائها في برنامج “كلام الناس” المذاع عبر شاشة “mbc مصر”: “مامتي كانت كل حياتي وبعد ما راحت راح معاها كل حاجة حلوة، أنا عشانها ضحيت بأمومتي لأنها ضحت بحياتها عشاني.. أنا راضية، المهم إني مقصرتش في حقها لأنها كانت مريضة ومحتاجة رعاية بشكل خاص، لو كنت جبت طفل كان هياخد من اهتمامي ورعايتي بيها”.

نرشح لك: نيقولا معوض يكشف تفاصيل شخصيته في مسلسل “الثمن”

أضافت أنها كانت ابنتها الوحيدة لذلك وجب عليها رعايتها، كما كانت تعمل أيضا في نفس الوقت حتي تحقق نجاحاً لها، معلقة: “ده رزقي في الحياة وأنا راضية بيه، دي أقل حاجة أعملها ليها حتى لو على حساب نفسي”.

أردفت: “ربنا عوضني بحب الناس وأصحابي والناس اللي بتحبني وحواليا، أكيد كان نفسي أكون أم لأني بحب الأطفال جدًا على فكرة، لكن هي كانت أهم من أي طفل في العالم، أتمنى أن ده ربنا يجعله في ميزان حسناتي ويعوضني خير.. كل شيء نصيب، ربنا يجعل مرضها في ميزان حسناتها لأنها تعبت أوي”.