رسالة مصطفى حسني للخائفين من الحسد
وجه الداعية مصطفى حسني، رسالة للخائفين من الحسد، أوضح فيها طريقة التحصين من العين.
كتب “حسني” عبر حسابه الشخصي على موقع “إنستجرام”: “النعم اللي متعرفش تداريها.. حاجة اشتريتها والناس شايفاها،عيالك ربنا منجحهم والناس عارفة إنهم ناجحين، بيت أنت ربنا أكرمك بيه، ده طبيعي الناس هتشوفه انت متعرفش مين نفسه بتبارك ومين نفسه متضايقة.. فأنت بتحصن نفسك بالذكر الشهير: “أعوذ بكلمات الله التامة من كل شيطان وهامة ومن كل عين لامة” وبالمعوذات وسورة الإخلاص.. لكن مش هتكذب وتداري، هتعمل اللي عليك بالتحصين فقط”.
View this post on Instagram
من ناحية أخرى، كان مصطفى حسني قد رد على سؤال متابعة تقول فيه: “عصبيتي بتخليني أعلي صوتي على أمي وبعدها بندم وبعيط، بس مبقدرش أمنع عصبيتي هل ربنا هيغفر لي؟”َ.
نرشح لك: كيف تسيطر على عصبيتك غير المبررة؟ مصطفى حسني يوضح
قال “حسني” خلال مقطع فيديو نشره عبر حسابه الرسمي على موقع الصور والفيديوهات “إنستجرام”: “الإشكالية في العصبية على الوالدة مش في كثرة الذنوب بس، وهي ذنوب كتيرة مش الإشكالية أن ربنا هيغفر أو مش هيغفر، لأنك لو توبتي إلى الله فدا حق ربنا هيسامحك فيه، ولو استسمحتي والدتك وسامحتك يبقى المخلوق سامح، المشكلة الحقيقية في كتر الأيام الوحشة اللي بنعيش فيها أهالينا”.
أشار: “إحنا كل ما بنكبر كشباب بنستغنى بصحابنا وفلوسنا ومرتباتنا ولو أتجوزنا وخلفنا وبقى لينا حياة، وأهلنا كل ما بيكبروا بيضعفوا والإنسان كل ما يضعب بيحتاج جرعة أكبر من الأمان والإحساس أنه مقبول وإنك مستحملاه مش مستنية فراقه ومشيانه إنما بيتمنوا بقائه”.
أضاف: “خسارة يبقى الأم الكريمة بيتزعق لها كتير وأنتي قلبك طيب، فبتندمي وتعيطي وتتأسفي لازم تراجعي نفسك في إيه اللي بيعصبك مع والدتك، وتعتذري لها اعتذار كبير جدا، مع هدية ورد وتبدأي تطلعي والدتك برة الناس اللي بيتزعق لهم”.
تابع: “يعني أنتي مثلا متقدريش تزعقي لمديرك أو حد صاحب قوة وله تحكم عليكي، كأن من ضمن اختياراتي إني مش هزعق للشخص ده، حطي أمك في الحتة دي مش من ضمن الاختيارات إني ممكن أتعصب أو ازعق واعتذاري لها وربنا يجعل ما تبقى من حياة أمك كلها أمان معاكي”.
