الأخيرة

تعليق عمرو أديب على خروج البرازيل من المونديال

خروج البرازيل من المونديال

علق الإعلامي عمرو أديب على خروج البرازيل من دور ربع النهائي من بطولة كأس العالم 2022، بعد الهزيمة من كرواتيا بركلات الترجيح.

قال “أديب” خلال برنامج “الحكاية” المذاع على شاشة mbc مصر: “هو إحنا هنفضل 20 سنة البرازيل دي بتخسر، 20 سنة، دول أكتر من الزمالك، 20 سنة.. وكل سنة الله شوف اللعب شوف رونالدينهو إيه الجمال ده، وخرجوا.. الماتش اللي فات نرقص سامبا ورومبا وخرجوا، 20 سنة يا باشا وخرجوا”.

نرشح لك: أبرز تصريحات الرئيس السيسي بالقمة العربية الصينية الأولى

تابع: “إيه اللي اتعمل فينا ده النهاردة؟ لماذا؟ كرواتيا النهاردة مش هتاخد كاس العالم، هي أهدت كاس العالم لفرق تانية، كل الفرق كان رعبها تقابل البرازيل.. ونفس الغلطة بتاعتنا، مقعد نيمار ليه يشوط آخر ضربة جزاء ما كان شاط اللي جت في العارضة دي”.

استكمل: “تحس من أول الماتش أن فيه لعنة، كلنا عارفين لعنة البرازيل.. ينزل عليك جردل مياه ساقعة، يا جماعة نحن نعشق البرازيل معلش جايز الأجيال الجديدة في ميسي ورونالدو والأرجنتين والبرتغال والحاجات الكيوت دي إنما إحنا بتوع برازيل إحنا نحب البرازيل”.

ووجه رسالة لنيمار، قائلا: “وفي النهاية يعيط، عيط يا أخويا، النهاردة في واحد كاتب على تويتر ما هي الرسالة التي تحب أن توجهها لنيمار؟.. قول أنت بقى، الرسالة اللي أحب أوجهها لنيمار “وديتنا في داهية”.. نيمار ده جاب حتة جول مذهل، إزاي دول اتعادلوا؟ إزاي ضيعوا ضربات الجزاء؟.. أنا عايز أعرف إزاي أكمل كاس عالم من غير البرازيل؟”.                    خروج البرازيل من المونديال

اختتم: “نفس الفشل ونفس اللعب الأسطوري، الناس دي لو فيه كورة مرمية من القمر بيوقفوها على وش رجلهم، إنما بيجي كاس العالم مالهمش فيه مايعرفوهوش، ضغطنا علي، شيء لا يصدقه عقل على رأي شويكار، وفعلا النهاردة كنت قاعد حزين ومخلص مثلا كمية أكل غريبة”.

عمرو أديب

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock