هل عدم محبة الناس للشخص دليل على غضب الله؟.. مصطفى حسني يجيب
أجاب الداعية مصطفى حسني، على سؤال متابع يقول فيه: “إذا أحب الله عبدا حبب فيه خلقه، طب لو بحس دايما أن محدش بيحبني، هل كده ربنا مبيحبنيش، ولا دي علامة إني مش من أهل الجنة؟”.
قال “حسني” خلال مقطع فيديو نشره عبر حسابه الرسمي على موقع “يوتيوب“: إذا أحب عبدا حبب فيه خلقه ده مش كلام سيدنا النبي ده كلامنا إحنا، كلام سيدنا النبي أن الله إذا أحب عبدا نادى في السموات يا جبريل إني أحب فلان فأحبه يا جبريل، فيحبه جبريل ويقول لأهل السماء إن الله يحب فلان فأحبوه، ثم يوضع له القبول في الأرض”.
نرشح لك: هل تعلق الإنسان بأشياء غير مكتوبة له نقص إيمان؟.. مصطفى حسني يُجيب
أشار: “وضع القبول في الأرض أن الأسوياء يحبوك، مش كل البشر يحبوك، لأن ربنا بيقول (وَكَذَٰلِكَ جَعَلْنَا لِكُلِّ نَبِيٍّ عَدُوًّا مِّنَ الْمُجْرِمِينَ)، ففي أنبياء ناس بتكرههم، عدوا له عايز يقتله، فما بالك بإحنا الغلابة”.
أردف: “فممكن يبقى في ناس بتحبك وهتلاقي كتير جدا بيحبوك، بس أنت شوف حبهم واتعلم إزاي تستقبل وتفهم حبهم حتى لو مش بالطريقة اللي أنت مستنيها، في ناس بتعمل خدمات وتقف جنبك وتساعدك بص على طريقة حب الناس هتلاقي الناس إن شاء الله بتحبك”.
في سياق آخر، أجاب الداعية مصطفى حسني، على سؤال إحدى المتابعات، عن تأخر زواجها ونظرة المجتمع لها.
قال “حسني” خلال فيديو له نشره على موقع تبادل الصور والفيديوهات “إنستجرام“، إن نظرة بعض المجتمع تكون قاسية للبنت في هذه الجزئية ومتدخل، مستشهدا بحديث رسول الله صلى الله عليه وسلم: “من حسن إسلام المرء تركه ما لا يعنيه”.
أضاف: “دي بتبقى سخيفة على الراجل أما بيتسأل إيه أخبار الحب والجواز، ولما يكسر التلاتين ما بالك البنت.. يقولك إن شاء الله بدور، إنما البنت هتقولك بدور!”.
أشار إلى أن المجتمع يظهر اهتمامه بطريقة غير مناسبة، مؤكدا على أن الله على كل شيء قدير ورزق السنين يرسله الله في يوم واحد.
أكمل: “استكملي دعائك بالرزق الواسع والزوج الصالح، وتصدقي، وإدعي ولما حد يسألك إيه أخبار الجواز ابتسمي وقولي كله زي الفل، واسألي اللي بيسألك بتسأل ليه! اشمعنى السؤال ده دلوقتي هتلاقي الكلام باظ منه فمش هيسأله تاني، أه فيه ناس بتسأل من اتجاه إحنا جنبك بس نظرة الشفقة منهم مبتكمش مريحة”.