جوجل مصر يوضح مصدر معلومات "Google Maps"

قال المهندس هشام الناظر، مدير عام جوجل مصر ومسؤول مشاريع ريادة الأعمال في الشرق الأوسط، إن هناك جزئين لمصدر معلومات “Google Maps”، للتأكد من الطرق صديقة البيئة، الأول هو “Google Maps” نفسه فيما يخص المسافات والازدحام، أما الجزء الثاني فهو المستخدم نفسه، من خلال كتابة نوع سيارته وما هو نوع الوقود المستخدم لتشغيلها.

أضاف “الناظر” عبر مداخلة فيديو خلال “فقرة بورصة” الكلام التي يديرها الإعلامي خالد البرماوي ضمن برنامج “حديث القاهرة” المذاع عبر شاشة “القاهرة والناس”، أن مصدر المعلومات الخاصة بالطيران تأتي من خلال شركات الطيران، مشيرا إلى أن المعلومات تتمثل في نوعية الطائرة وما إذا كانت جديدة أم لا، وكذلك المسافات التي تقف بها الطائرة.

أشار: “بالنسبة للفنادق بنجيب المعلومات من جهات مختلفة.. مصر لسه في أول مشوارها من ناحية الفنادق صديقة البيئة، لكن العدد بدأ يزيد وأنا متفائل أن مع الشهور والسنين المقبلة هيكون في زيادة في مصر”.

أوضح: “في Google Maps إحنا بنتعامل مع جهات حكومية مختلفة كتير بتدينا معلومات زي أن مثلا الطريق ده مقفول عشان فيه شغل أو الطريق ده لا تزيد السرعة فيه الطريق ده، وفي جزء كبير بيجي من المستخدمين نفسهم، فبنقدر نعرف عدد العربيات اللي في مكان واحد عشان نعرف مثلا لو في زحمة ولا لا وسير العربيات، هو طبعا مبيبقاش 100% بس بنعمل أقصى جهد عشان نوصل للمعلومة المطبوعة في أقل وقت ممكن”َ.

أردف: “أنا هبقى موجود في شرم الشيخ من بكرة، عشان مؤتمر المناخ “COP27″ وهيكون معايا فريق محلي وفريق عالمي كمان منهم رئيس الاستدامة في جوجل عالميا والمؤتمر ده بالنسبة لنا مهم جدا لأننا هنتكلم فيه عن مسؤليتنا كشركة إيه اللي إحنا بنعمله بالظبط”