هل اعتزلت بسبب الحجاب؟ منال عبد اللطيف ترد

قالت الفنانة منال عبد اللطيف، إن آخر عمل فني قدمته هو مسلسل “كيد النساء” ولم تقدم شيئا من بعده، ثم ارتدت الحجاب، موضحة أن الناس ما زالت تتذكرها مع ارتدئها الحجاب.

أشارت “عبد اللطيف” خلال لقائها في برنامج “حلو الكلام” المذاع عبر شاشة “الحياة”، أنها لم تترك الفن ولكن هو من تركها، موضحة: “مش أنا اللي سبت الشغل هو اللي سابني، كل ما حد يعرض عليا دور يقولي طب هنعمل إيه الداخلي، أو في حاجات بتتعرض عليا مبحسش أنها هتليق بالحاجات اللي عملتها”.

نرشح لك: منال عبد اللطيف: تحجبت بإرادتي وأرفض التمثيل بالباروكة

أضافت: “مع احترامي في شخصيات كتير أنا محبش التعامل معاهم، الشغل هو اللي سابني مش اللي سبته، وده مش مأثر عليا لأن أنا هاوية، بنزل وقت ما أبقى حابة، فأنا بالنسبة لي الشغل هواية مش احتراف، لكن كان صعبان عليا أن حاجة بحبها ومش عارفة أعملها”.

أوضحت: “مفيش حاجة من اللي أنا عملتها في حياتي كان معمول لها خطة كله بالصدف، كنت في مرة في احتفالية معينة وبعدين قابلت عبير الشيخ وقالت لي إيه رأيك تعملي برنامج، قلت يلا أعمل برنامج.. الناس كانت متعودة على شكلي بالشعر الطويل والبنوتة الصغيرة فالحجاب دايما بيدي سن أكبر وشكل مختلف وانطباع لشخصية مختلفة، فقلت أعمل برنامج الناس تشوف منال وهي محجبة عشان يقدروا يربطوا ذهنهم بصورة منال الجديدة”.

أردف: “مكنش عندي نية إني مشتغلش تاني في التمثيل وأنا بعمل البرنامج، أنا كانت نيتي الناس تحفظ شكلي الجديد وتتأقلم مع الشخصية الجديدة، فانخرطت في البرامج وحبيت الشغل فيها خفيف ولطيف، وبقى في مسؤولية بنات وبيت وأنا عندي 3 بنات”َ.