مصطفى حسني: خليك محترم مع اللي بيتكلم عنك بسوء

رد الداعية مصطفى حسني، على سؤال متابع يقول فيه: “نفسي أعرف أرد على اللي بيؤذوني، أو بيتكلم عليا بالسوء أو الناس اللي بتفتري عليا، موضحا أنه لا يجب أن يحمل نفسه فوق طاقتها في هذا الأمر لأن الله سبحانه وتعالى يرد عنه.

قال “حسني” خلال مقطع فيديو نشره عبر حسابه الرسمي على موقع الصور والفيديوهات “إنستجرام”: “الموضوع ده متحملش نفسك فوق طاقتك فيه، لأن ربنا سبحانه وتعالى قال (إِنَّ اللَّهَ يُدَافِعُ عَنِ الَّذِينَ آمَنُوا)، وأي حد طلع عليك كلام بالباطل ربنا بيقول (وَاللَّهُ مِنْ وَرَائِهِمْ مُحِيطٌ)، هيصلح صورتك ويعلي مقامك قدام كل واحد وصل له عنك كلام مش كويس عنك”.

نرشح لك: نصيحة مصطفى حسني لـ تجديد الطاقة الإيجابية


أشار: “لكن أنت أعمل حاجتين الحاجة الأولى أةاستمر في اللي عليك استمر في أخلاقك وأداءك في الحياة اللي بتنال بيه احترام الناس، سواء شغلك أو علاقاتك أو في أخلاقك كمل زي ما أنت محترم والأيام كافية أنها تثبت للناس باطل الكلام اللي اتقال عليك أو بيتقال عليك”.

أردف: “الحاجة التانية نقي الأشخاص اللي تحس أنهم محترمين ووصل لهم الكلام ده واتناقش معاهم وقول لهم حقيقة الموضوع وهما هيبقوا كفيلين بالرد عنك ورد غيبتك، لكن هيفضل ناس هتصدق عليك كلام بالباطل، لأن هو عايز يصدق كده وأنت هتضيع طاقتك ونفسيتك في التبرير والشرح لهؤلاء، فدول ربنا يهديهم ويصلح قلبهم تجاهك، لكن أنت ركز في اللي تحس أن قلبهم رحم”.

 

إنستجرام رئيسية مصطفى حسني