بعد رد متعلقاته المفقودة.. أمير المصري يشيد بأمانة سائق أوبر
وجه الفنان أمير المصري، الشكر لسائق بشركة “أوبر”، بعدما نسي متعلقاته الشخصية معه أثناء الرحلة، وأعادها له السائق.
كتب “المصري” عبر حسابه على “فيس بوك” : “حصل معايا موقف امبارح وهو إني نسيت محفظتي وموبايلي في أوبر، أول مرة يحصل معايا موقف زي ده، والمحفظة كان فيها كل حاجة بطاقة والفيز وفلوس وبطاقة إنجلترا كل إثبات شخصية ليّا”.
نرشح لك: صفاء أبو السعود: سيتم تكريمي من وزير الشباب والرياضة
أشار: “حسيت إن كل حاجة ضاعت كده ومفيش حاجة هترجع، ومكنش قدامي غير إني أكلم السواق اللي كنت متأكد إنه هيقولي معرفش حاجة عنهم، فكلمته وقالي إن المحفظة معايا، وجالي لحد البيت يرجعهالي، وكنت ناسي أني ضيعت موبايلي التاني فأكدت عليه أكتر من مرة إني مش ناسي حاجة تانية لحد ما افتكرت الموبايل”.
أوضح: “وعشان كده أنا حابب أشكره على أمانته وجدعنته، كان ممكن يقولي ملقتش حاجة أو مايردش على الموبايل أصلا، لكنه معملش كده، وبجد شخصيات زي الراجل ده بتحسسنا ديمًا إن أصلنا جميل.. فلاقتني مش عارف أشكره إزاي غير بالبوست ده.. فشكرًا كابتن أحمد حجاج”.
نافس أمير في موسم رمضان 2022 بمسلسل الاختيار3، والذي يعتبر أحد أنجح الأعمال الدرامية خلال الموسم، كما نافس أيضًا في شباك التذاكر المصري بفيلم ريتسا، وينتظر حاليًا إطلاق مسلسل Rogue Heroes قريبًا في بريطانيا.
ولأمير المصري العديد من النجاحات العالمية، من بينها اختياره من قبل موقع The Playlist ضمن قائمته لأفضل أداء تمثيلي عن فيلم Limbo في عام 2021، كما اختاره الناقد البريطاني الأشهر بيتر برادشو ضمن قائمته لأفضل الممثلين خلال هذا العام، وذلك في مقال نشره عبر موقع The Guardian، كما شارك كعضو لجنة تحكيم أفضل فيلم عربي بالدورة الـ 43 من مهرجان القاهرة السينمائي الدولي.