أسامة منير ينتقد الشخص غير المتعاون: دايما خسران
تحدث الإعلامي أسامة منير عن نوعية الأشخاص التي لا تحب مشاركة غيرها في مشاغلها اليومية، موضحا أن نهايتهم هي الفشل.
تابع خلال فيديو نشره عبر حسابه على “إنستجرام“: “ناس كتير في بيوتها وعلاقتها بتعتمد إن الراجل يبقى هو سيد كل حاجة من الألف للياء أو الست كذلك، ومبيقسموش الشغل بينهم.. والنوع ده دايما خسران في شغله، لأن لو قسمنا وقته على شغله.. وقته كله هيتحرق عشان يعمل تاسك واحد، لكن لو وزعت شغلك وتبقى إيدك في إيدهم وتفكروا سوا حجم الشغل هيبقى أكبر”.
نرشح لك: شاهد.. أمينة شلباية توضح إتيكيت أكل ورق العنب
أضاف: “لما تكون إيدك في إيد مراتك وتثق فيها إنها مسئولة، البيت هيمشي أسرع لكن لو واحد فيكم عمل كل حاجة لوحده ده الفشل بعينه”.
View this post on Instagram
في سياق منفصل، قال الإعلامي أسامة منير مؤخرا إن الزوجة الصالحة شريكة نجاح لأن لولاها لن يستطيع الرجل أن يركز أو يدخر أو حتى يحقق أحلامه وطموحاته.
أردف “منير” خلال فيديو نشره على موقع تبادل الصور والفيديوهات “إنستجرام”: “الزوجة الصالحة مش بتفكر ماديا أد ما بتفكر معنويا بتفكر في بكرة بتاعهم هما الاتنين بس لا يجوز أن تكون زوجة صالحة بدون زوج صالح“.
تابع: “الراجل عايز يشوف صورة جميلة والست عايزة تسمع كلمة جميلة، وفي ستات كل همها العلبة الحمرا اللي فيها الفص“.