صفاء جلال: اتشتمت أنا وبنتي بعد ما أتحجبت!

شدوى ممدوح

أعربت الفنانة صفاء جلال، عن سعادتها بمهرجان القاهرة للدراما في دورته الأولى، كذلك بدور النقابة ودور الفنان أشرف زكي.

أشادت “جلال“ خلال لقائها بموقع “فوشيا“، بالفنان صلاح السعدني، مشيرة: “العمدة صلاح السعدني.. ربنا يخليك لينا ويديك الصحة وطولة العمر وحشتنا أوي، أنا أشتغلت معاه في مسلسل القاصرات وهو إنسان وفنان عظيم“.

نرشح لك: فتحي عبد الوهاب: أطمح لتقديم شخصية آكل لحوم بشر

تابعت أن عدد المهرجانات الدرامية كان أكثر في الماضي، وذلك بسبب أنها كانت تصدر من مدينة الإنتاج الإعلامي أو التليفزيون المصري أو صوت القاهرة، لافتة: “اختفت المهرجانات دي شويه فرجوع مهرجان قوي للدراما وتابع لكيانات محترمة ده حاجة كويسة أوي وهنحتفل بيها كل سنة باذن الله“.

أردفت أنه منذ قديم الأزل والفن يمتلك تأثيرا كبيرا على الشارع المصري بشكل عام، مشيرة: “الكينج فريد شوقي عمل أفلام غيرت قوانين، إنما العنف غير المبرر والزيادة عن اللزوم ده اللي مقزز الناس مش عايزة تشوف الصورة دي عن بلدها هم عايزين يشوفوا بني آدمين طبعيين، وناس ناجحة.. لو عايز تقدم السرسجية قدمهم لكن ماتتكش عليهم أوي“.

أضافت: “لا تعليق على كلام محمد رمضان عن فريد شوقي، أنا مليش دعوة لأني بقول رأيي بصراحة والناس بتاخده بتعمل بيه حوارات وأنا مش بتاعة حوارات ومش بدخل في تريندات.. أنا ملحقتش فريد شوقي بس أنا من الناس اللي بتعشقه في كل مراحله العمرية“.

قالت “جلال“ إنها تعبر عن رأيها كمواطنة مصرية، لافتة: “ما ينفعش تخبي رأيك عشان مش هيعجب حد لأن كده كده أنتي مش عجباهم وكده كده هم بيدورولك على نقط ضعف وعلى إنهم إزاي يضايقكوا ويحرقولك دمك.. أنا بقول رأيي كمواطنة عاجبك عاجبك، مش عاجبك ما تدخلش على صفحتي الخاصة“.

أردفت أن ابنتها قد مثلت معها في مسلسل “سابع جار“، قبل ارتدائها الحجاب، وقد تعرضوا للتنمر وقتها، مشيرة: “التنمر شديد أوي.. سلمى بنتي قبل ما تتحجب مثلت معايا في مسلسل سابع جار واتشتمت أنا وهي، وبعد ما اتحجبت اتشتمنا بردو لأن في ناس رافضينا.. احنا عندنا ولاد وأزواج وأمهات بيزعلوا عشانا إحنا مش من الشارع“.

أضافت: “إحنا بني آدمين بنشتغل وبنشقى وبنعمل أعمال كويسة عشان نبسط الناس فياريت اللي مش عاجبه كلامي ما يشتمنيش، أنت مش هتاخد نجمة ولا فلوس لما تقول خبر غلط“.

صفاء جلال

ابنة صفاء جلال رئيسية صفاء جلال صلاح السعدني فوشيا