حذف أغنية "لِلّي" لـ محمد منير على يوتيوب

حذف موقع الفيديوهات “يوتيوب” أغنية “لِلّي” للفنان محمد منير، والتي تعد التعاون الأول له مع الفنان أكرم حسني.

الأغنية من كلمات وألحان أكرم حسني، وتوزيع أمير محروس، ومكس وماستر شركة “M sound” لأمير محروس.

نرشح لك: كلمات أغنية “صح صح” لـ نانسي عجرم

كان الفنان أكرم حسني قد رد على اتهامات سرقة كلمات أغنية “لِلّي”، خلال مداخلة هاتفية مع الإعلامي عمرو أديب في برنامج “الحكاية”: “بقالي خمس سنين عندي حلم عاوز أحققه، إن اسمي يتحط جمب اسم الراجل ده بأي شكل، منير من صعيد مصر الجميل اللي مليان مفردات غزل جميلة.. لما بدأت أكتب الكلام كنت شايف قدامي أه فعلا ده منير، مين هيقول كلمة “الولع” غير محمد منير؟”.

أضاف: “طول ما هو بيقرأ الكلمات بعدها كنت عاوز أتحزم وأرقص على الترابيزة قدامه، وقالي إن الأغنية عظيمة وهيسجلها فورا”.

وعن اتهامات أحد الشعراء له بسرقة كلمات الأغنية، علق: ” أنا مابحبش ألتفت للحاجات اللي بتضيع فرحة النجاح، وبشوف إن أي حد له حق ياخده.. وكلمة سارق الكلمات دي كبيرة جدا، لأن الأغنية اللي قدمتها لمنير كانت 20 بيت شعر، وفي تشابه في جملة أو في بيت من ضمنهم، ومع احترامي ليه أنا مكنتش أعرف مين هو أو كاتب إيه”.

أردف: “أنا متربي في مؤسسة عسكرية، يعني دوري قبل ما أكون فنان هو إني أتصدى للسرقة، وحتى اللحن هو تيمة فلكلورية من الصعيد كلنا تأثرنا بيها”.