رشا حسن أبو السعود لـ شيرين: شيليه من دماغك ومش كل فترة تخبطي فيه

رشا حسن أبو السعود لـ شيرين: شيليه من دماغك ومش كل فترة تخبطي فيه
شدوى ممدوح

قالت رشا حسن أبو السعود ابنة الموسيقار الراحل حسن أبو السعود، إن جميع أفراد الأسرة مستائين بشدة بسبب تصريحات الفنانة شيرين عبد الوهاب عن والدها.

أضافت ”أبو السعود” من خلال تسجيل صوتي لـ ”ET بالعربي”، ”أنا كتبت البوست بشكل شخصي لكن طبعاً الأسرة كلها مستاءة وأي حد بيحبه وبيحب فنه مستاء، ومن امبارح آلاف التعليقات على مواقع كتير جدا في السوشيال ميديا بتدافع عنه وتترحم عليه لأن البديهي اللي اتربينا إننا نُذكر محاسن موتانا”.

نرشح لك: شكرت وسخرت.. 4 أسماء تحدثت عنهم شيرين عبد الوهاب فمن هم؟

 

تابعت: ”مش البديهي إننا نتريق ونتنمر على بني آدم توفى ، بني آدم كان مريض وتوفى وهو عنده 57 سنة هو أه كان تخين بس هي كانت تقدر تشبه ده بأي حد تاني في عيلتها ممكن يكون تخين مفيش داعي أبدا إنها تجيب سيرة والدي، الخلاف اللي كان بينكوا كان مهني والمفروض إنه خلص والراجل مات خلاص حضرتك”.

أردفت: ”شيليه من دماغك.. هي كل فترة لازم تخبط فيه بشكل مباشر أو غير مباشر، أنا مش فاهمة حطاه ليه في دماغها كل ده؟، هو متوفي من زمان جدا هو بقى عادي إن أي حد يجرح في التاني بحجة إننا فاننين؟، للأسف الناس اللي بيشجعوها ويعذروها طول الوقت هم اللي مخلينها متماديه كده”.

استطردت: ”كلمة عفوية انتحرت خلاص ومش هتقدر تبقى في سياق اللي بيحصل، خلاص معنى كلمة عفوية أتشوه في ذهني من كتر ما بقينا نقول حاجة وحشة ويتقال دي عفوية، أنا مش هسمح حد يجيب سيرة والدي تاني لأن ده عيب جدا، ولو سمحتي متجبيش سيرته تاني ولا أنتي ولا غيرك واللي عنده كلمة كويسة يقولها واللي مش عنده ومش قادر يترحم على حد متوفي يبقى يلتزم الصمت”.

يذكر أن شيرين عبد الوهاب كانت قد قالت خلال مداخلة هاتفية مع برنامج”كلمة أخيرة” المذاع على شاشة ON وتقدمه الإعلامية لميس الحديدي: “أنا لو كنت أدمنت الأدوية مع إن مفيش الكلام ده ودكتوري موجود.. بس لو كنت أدمنت الأدوية وتخنت ده علشان عيشته علشان حياتي معاه، أنا كنت زي البدر لما عاشرت حسام حبيب بقيت شبه حسن أبو السعود”.

وكانت قد شنت الفنانة شيرين عبد الوهاب هجوم شديد على زوجها السابق حسام حبيب، واتهمته بأنه مريض نفسي يحتاج العلاج بسبب حبه للامتلاك، وصرحت انها تعرضت للتنمر والضرب والسحل والشتيمة منه.