مي كساب عن اسمها على التتر: هتقدر لما أموت؟!

قالت الفنانة مي كساب، إنها تعتبر ترتيب اسمها على تتر أي عمل تشارك به مهما، لأنه نوع من أنواع التقدير بالنسبة لها.

تابعت خلال لقائها مع الإعلامية فاطمة مصطفى في برنامج “الراديو بيضحك” عبر “الراديو 9090″، أن المخرج عمرو عرفة هو أول ما شجعها للمشاركة في مسلسل “أحلام سعيدة”، بالرغم من ارتباطها بتعاقدات أخرى، معلقة: “المخرج عمرو عرفة قالي في البداية تعريف الشخصية وقالي بصي يا مي، محدش في مصر هيعرف يعمل الدور ده غيرك.. وأنا بالنسبالي الحاج عمرو عرفة له مكانة خاصة لأنه مؤمن بيا وبموهبتي ودايما بيطلع مني جديد، وكلمته دي كانت مسئولية كبيرة جدا على قلبي”.

نرشح لك: مي كساب عن “اللعبة 4”: ممكن نسافر أوروبا!

أضافت: “أنا عندي غلطتين في حياتي (العتبة الحمرا) و(لما تامر ساب شوقية)، لأن محدش كان مديني فرصة إني أتكلم ولا أقول رأيي وكانوا بيقولوا متدخليش في شغل المخرج، لكن في (أحلام سعيدة) الأمر مختلف”.

وعن كواليسها في “أحلام سعيدة” مع الفنانة يسرا والفنانة شيماء سيف، استطردت: “كنا بناكل طول الوقت، كنا 24 ساعة في أوضة مدام يسرا.. أوضتها كانت مليانة أكل وعصاير وشوكولاتة وكل حاجة، وشيماء سيف طبعا مابتبطلش ضحك.. كارثة كونية بجد، شخص هزلي غير حقيقي وطاقة جبارة”.

أردفت: “العقد شريعة المتعاقدين.. وفي الموضوع ده كل واحد له حساباته، لكن أنا مثلا التتر بيفرق معايا لأني بحس إنه حاجة تقديرية، أنا بقالي 22 سنة بشتغل.. هتقدر إمتى لما أموت؟ عشان كده بعتبر ده حقي”.

تدور أحداث مسلسل “أحلام سعيدة” حول 3 صديقات يتعرضن لمواقف طوال حلقات المسلسل، لكل منهن شخصية مختلفة المسلسل يميل إلى الطابع الكوميدي، وتبعتد فيه يسرا عن الغموض والتشويق.

المسلسل تأليف هالة خليل وإخراج عمرو عرفة وإنتاج جمال العدل وبطولة يسرا، وغادة عادل، ومي كساب، وشيماء سيف، وعماد رشاد، وعدد آخر من الفنانين.