عمرو أديب: اللي يكتب حاجة على السوشيال ميديا يبقى قدها

علق الإعلامي عمرو أديب، على الدعوى القضائية التي أقامها اللاعب ماركوس راشفورد لاعب نادي مانشستر يونايتد الإنجليزي ضد طالب مصري مقيم بمحافظة الشرقية، بسبب التنمر عليه عبر مواقع التواصل الاجتماعي، قائلًا: “آن الأوان اللي يكتب حاجة يبقى دكر ويقف وراها”.

أضاف “أديب” خلال حلقة مساء السبت من برنامج “الحكاية“، المذاع على قناة “mbc مصر”: “وده بشكل عام ملوش علاقة براشفورد ولا حاجة، الموضوع مسخ قوي، أي حد قاعد بيلعب في صوابع رجله كده فجأة يقوم طالع شاتم حد متنمر بحد، ومحدش بيقوله بتعمل إيه”.

نرشح لك: عمرو أديب: قررت أقلل من الأضحية وأكثر من النقود

أردف: “احنا زهقنا، الطريقة بقت بتصل في بعض الأحيان للانحطاط والسفالة، فبشكل عام جوة مستشفى المجانين اللي اسمها سوشيال ميديا كل واحد كتب حاجة يتحمل مسؤوليتها، ولازم يتحط بعض القيود، لأنه من أمن العقاب أساء الأدب”.

فيما أشار إلى إحصائية أجرتها الفيفا حول اللاعبين الأكثر تعرضًا للتنمر على مستوى العالم فكان في مقدمتها “راشفورد”، ثم محمد صلاح، معلقًا: “وعشان نبقى صرحاء مع نفسنا أغلب المتنمرين على صلاح من هنا في مصر”.