عمرو أديب: قررت أقلل من الأضحية وأكثر من النقود

محمد هيثم

قال الإعلامي عمرو أديب، إن عيد الأضحى المبارك اقترب، وفي ظل الظروف الاقتصادية الصعبة التي يمر بها الناس قرر التقليل من الأضحية والأكثار من النقود.

أضاف “أديب” خلال حلقة اليوم من برنامج “الحكاية” المذاع عبر شاشة “MBC مصر”، أنه لا يقول لأحد عدم الأضحية، لكنه يتحدث عن نفسه، موضحا أن الذبح أغلبه هدر، لافتا: “كويس إنك تدي الناس حتة لحمة حلو ومفيد، يعني أنت مثلا هتصرف ألفين جنيه، أو 3 ألف جنيه، الربع هات بيه لحمة والباقي أدي الناس فلوس حد عايز يشتري دواء أو عايز يشتري هدوم أو عنده كمبيالة عايز يصرفها”.

نرشح لك: لميس الحديدي: سأتعرض للهجوم بسبب مطالبتي بـ “الترشيد”

أضاف: “اللحمة ليست عملة، ومش دايما هتعمله شيء عظيم، أنا مبقولش متدبحش أو متضحيش، وهذه ليست فتوى دا شيء شخصي، في ناس قلت لهم يا جماعة أنا هعمل معادلة بقية المعادلة دي فلوس، حد يقول لي أنا هعمل ده وأعمل ده.. باشا، أنا هدبح عجلين تلاتة يعم ربنا يوسع عليك”.

أردف: “أنا شخصيا قررت أن التلت لحمة والتلتين نقود، معونات أشياء ناس عندها مصاريف مدرسة، ناس عندها دواء، أهم من اللحمة كتير، دي مش فتوى دا رأيي، ومبقولش متدبحش، أنا عارف هيتقال حتى التضحية عايز يقول لنا متضحوش الزنديق الكافر”.