نجل شعبان عبد الرحيم: الخلاف بين إخوتي فتنة
شدوى ممدوح
نجل شعبان عبد الرحيم
قال المطرب الشعبي عصام شعبان عبد الرحيم، إنه ليس هناك خلافا بينه وبين إخوته على الميراث، موضحًا أن السبب في هذا الخلاف هو فتنة وليس مشكلة على الميراث.
قال ”عبد الرحيم”، خلال حلوله ضيف على برنامج ”سابع سما” مع الإعلامية راغدة شلهوب، على قناة ”النهار”، إنه يشعر أن والده ليس مرتاحا في تربته، بسبب الخلافات التي حدثت بينه وبين إخوته، لافتا إلى أنه يشعر أن والده حزين عليه، فهو جاء له في المنام، موضحًا: “هو جالي في الحلم باسني وطبطب عليا، وقال لي حقك عليا واستحمل عشان خاطري، الكلام ده كان في الفترة اللي فاتت لما حصلي شوية مشاكل”.
نرشح لك: منة عرفة عن ارتدائها “المايوه”: ربنا هيسامحني
أضاف أنه كان أقرب شخصا لأبيه، مشيرا إلى أنهم لم يتنازعوا على الميراث أو المال، ولكن ما حدث كان فتنة وسوء تفاهم، لافتا: ”مكناش بنتخانق على الفلوس، وكل الحكاية إننا عندنا أخ دماغه ناشفة شوية وأنا لما أديت له حقه في الورث الموضوع هدأ، والأخ ده هو عبد الرحيم، وقبل ما أتصرف وأديله حقه كان حاصل شوية شوشرة”.
علق ”عبد الرحيم” على الڤيديو الذى تحدث فيه أخيه الفنان عدوية شبعان عبد الرحيم عن محاولة أخته لإرسال أقاربها لضربه وأخذ السيارة منه قائلا: ”مفيش حد عندنا بيقتل حد، واللي حصل ده كان عبارة عن سوء تفاهم صغير أوي بين عدوية وابن أختي، وده بسبب أن حسام ابن أختي كان بيغني باسم جده وعدوية كان رافض ده، وقاله متجبش سيرة جدك تاني.. وأنا لما جيت زعقت مع أختي وجوزها وابنها، وصلحتهم على عدوية والموضوع خلص على كدة”.
أما عن علاقته بابنه أوضح “عبد الرحيم”: ”بشوفه لكن هو مش جدع معايا، وكنت بقوله لما بنمشي مع بعض، نفسي تمشي جمبي وكأنك راجل معايا في الشارع، أي حد يخبطني الاقيك واقف في ضهري، ولما كنت بقول له كده كان بيعمل نفسه مسمعش ويمشي، زهق من عند أمه بعد 27 سنة قلت له خد حتة عيش فيها وأنا هدفعلك الإيجار، عشان عندي 3 بنات”.
وجه ”عبد الرحيم” رسالة لإخوته قائلا: ”عشان خاطر أبوكوا انسوا أي حاجة فاتت عشان خاطر التراب اللي كان بيمشي عليه أبوكوا”.
