حسن يوسف عن سعاد حسني: لم ترى السعادة إلا في الأفلام

قال الفنان حسن يوسف، إنه كان يعتبر الفنانة سعاد حسني بمثابة أخت له، وفي رأيه أنها لم ترى السعادة إلا في الأفلام.

يوسف خلال حواره مع الإعلامية ياسمين عز في برنامج “كلام الناس” على قناة “mbc مصر”: “اشتغلت معاها كتير أوي، من أول بطولة ليها بعد حسن ونعيمة، كان فيلم اسمه مفيش تفاهم، كان اول بطولة مودرن ليها وأول بطولة ليا، كان كله في بور سعيد، الكيميا بتاعتنا الفنية توافقت مع بعضها، خدونا عملوا بينا سلسلة أفلام، فبقت زي أختي”.

نرشح لك: رد فعل نجلاء بدر على مقلب رامز جلال

أضاف: “عادة لما سعاد تشتغل مع حد ممكن يبصلها بصة كده يغازلها، لكن أنا معنديش الحته دي مدام مفيش قصة حب، كنا زي الاخوات لدرجة انها بتشكيلي مشاكلها الزوجية الخاصة، وكانت متزوجة من صديق لينا مصور اسمه صلاح كريم كانوا ساعات يتخانقوا الساعة 2 الصبح، أنزل بالبيجامة والروب أجري ألحقهم عشان هي كانت جنبي في الزمالك”.

أردف: “سعاد لم ترى السعادة إلا في الأفلام اللي صورتها، أما وراء الكاميرا بؤس وتعاسة، وسوء حظ في الزواج والأصدقاء وتوفيت بشكل مكناش نتوقعه، قبلها بشهر روحتلها أنا وشمس عشان نرجعها، شوفتها معرفتهاش”.

كما تحدث الفنان حسن يوسف عن علاقته بالشيخ محمد متولي الشعراوي، موضحا أنه كان من تلاميذه، والشيخ يعتبره بمثابة ابن من أبنائه.

أوضح يوسف خلال حواره مع الإعلامية ياسمين عز في برنامج “كلام الناس” على قناة mbc مصر، أن الشيخ الشعراوي جسد أخلاق الرسول بتصرفاته، وكان قدوة لهم في كل شيء، مضيفا: “‏الشيخ الشعراوي كان بيجسد لنا أخلاق الرسول في كل تصرفاته.. كان بينضف المراحيض في مسجد السيدة نفيسة، ولما نقوله ليه يا مولانا يقول مفيهاش يا مولانا إحنا خدامين.. كان متواضع جدا”.

تابع: “في مرة كنت قاعد معاه قام أعطى راجل غلبان 70 ألف جنيه. بعد ما مشي بقوله المبلغ كبير يا مولانا، قالي الراجل بيته هيتخرب ومحتاج الفلوس، قلت له إيش عرفك إنه بيقول الحقيقة، قالي وأنا همشي وراه عشان أعرف! لو بيكذب فأجره على الله”