عبير صبري توضح حقيقة تصريحها عن إلغاء التعليم المجاني

علقت الفنانة عبير صبري، على تصريحاتها التي أثارت جدلا واسعا على مواقع التواصل الاجتماعي، والتي طالبت فيها بعدم إتاحة التعليم المجاني للجميع، وأنه يجب أن يكون متاحا للمتفوقين فقط.

أوضحت “صبري” خلال مداخلة هاتفية مع الإعلامية إنجي أنور ببرنامج “مصر جديدة“، المذاع على قناة “etc”، مساء اليوم الثلاثاء: “أنا زعلانة من اقتطاع الكلام، والمواقع بتقوم واخدة جملة زي أني بقول لازم نلغي التعليم المجاني، أنا مقولتش كده، والحلقة موجودة، أنا قولت كلام كتير شرحت فيه وجهة نظري وقولت كلام الناس لو تسمعه أعتقد مش هتهاجم الهجوم الكبير اللي هي بتهاجمهولي من الصبح”.

نرشح لك: هل تصبح الدراسة أونلاين في شهر رمضان؟.. وزير التعليم يجيب

أضافت: “من ساعة ما صحيت يعني وأنا شايفة وده بسبب إن المواقع مش بتنزل لينك من الحلقة، بتنزل عناوين وخلاص والعناوين مقتطعة من سياقها فالناس بتاخد التعليق المقتطع ده أو الرأي المقتطع اللي مش شارحة فيه وجهة نظري وتبدأ تشتم بقى الشتايم كتير أوي دي، أنا ده مزعلني الصراحة “.

أعربت عن حزنها الشديد بسبب الشتائم التي تعرضت لها من الجمهور بعد تصريحاتها، موضحة: “أنا أنصح الناس أنها لما تقرأ عنوان تدخل تدور على الكلام اللي اتقال هو ده الشيء الصح مش إن أنا أشرح لهم والمواقع ترجع تاني تاخد جزء من الكلام ويرجعوا يشتموا تاني”.

طالبت الجمهور بالرجوع للحلقة لمعرفة ماذا قالت بالضبط، موضحة أن التعليم الفني والصناعي ليس أقل من التعليم العادي، مؤكدة أنه يجب تغيير نظرة المجتمع للتعليم الفني والصناعي وتطوير المناهج الخاصة بهم عملهم وصورتهم، فمصر باحتياج لكل الناجحين بكل القطاعات.

كانت عبير صبري قد قالت خلال حوارها، أمس الاثنين، في برنامج “مصر جديدة”: “أنا مش موافقة على التعليم المجاني للجميع، التعليم المجاني ده لازم تبقى حاجة للمتفوقين جدا، يعني اللي يوصل للجامعة هو اللي هيفيد البلد بسبب إنك بتدفعي له الفلوس دي من خزينة الدولة من دافعي الضرائب.. طبعا كل الناس تتعلم بس تتعلم حاجات مهمة ليها شخصيا تكون مطابقة لميولها وظروفها”.