بيومي فؤاد عن طفولته: كنت معجون بمية عفاريت
قال الفنان بيومي فؤاد إنه كان طفل “معجون بمية عفاريت” على حد وصفه مضيفا: “كنت بضرب بالخرطوم لأني كنت بلعب في الشارع، ولما اخدت الثانوية العامة خدت قلم على وشي من أبويا عشان اتخانقت مع أخويا الكبير وصالحني بعدها و أهداني ساعة” .
وأضاف “بيومي” خلال لقائه مع الإعلامي عمرو الليثي في برنامج “واحد من الناس” على شاشة الحياة، مساء أمس الأحد: “كنت احيانا أرجع من غير الكوتشي وأنا بلعب كورة لأنى كنت بعمله عارضة، وذهبت إلى المنصورة مرة عشان العب كورة ، كما اني شربت سجاير في آخر سنة في الكلية ووالدي كان موظف في الكلية وشاهدني اتسمرت في مكاني وطلعت السيجارة من بقي وقلت له اتفضل”
نرشح لك: بيومي فؤاد ينفي تقاضيه 4 ملايين جنيه للبطولة أمام محمد رمضان
و تابع: “علاقتي طيبة بجيراني ومنهم ابناء فنانيين، واكتر شخص كنت بحبه وأتريق عليه كان صاحبي الصعيدى كان بيلعب كورة فى أى وضع حافى لابس هدوم أو من غير هدوم، وعملت مقلب في مدرس الجغرافيا والتاريخ، وكان بيطلب فلوس الدرس عند الحصة الاخيرة وأنا كنت بزهقه وأقول له مفيش فلوس معايا”.
وأختتم بيومي فؤاد قائلا: “كنت مميز عشان اسم بيومي تحس إني رئيس عصابة واسم الشهرة يوكا، وذكر مقلب حدث له اثناء الجامعة ان صديقي لى ذكر ان والده توفي وقمنا بالذهاب إلى منزله ووالده كان عايش وحدث موقف كوميدي” .