"معلمة المنصورة": غلطت واتعلمت درس قاسي

قالت آية يوسف “معلمة المنصورة”، إن من صور فيديو رقصها كان يريد استهدافها بشكل شخصي، أو يقوم بتصفية حسابات مع زميل آخر له.

أكدت آية في “لايف” مع “المصري اليوم“، أنها لم تنشر الفيديو بنفسها، كما أنها مواطنة عادية ولا تمتلك أي حسابات على “تيك توك” ولم تنشر الفيديو بنفسها.

نرشح لك: بسمة وهبة تنشر فيديو من العزل المنزلي والإعياء يظهر عليها

أضافت: “أنا مواطنة عادية، أنتوا اللي عايزين تطلعوها وحشة.. ناس كتير حاولت تستغل دا ورفضت دا في سبيل مطلعش مصر وحشة لأنها بلدي وطلعتني بريئة، عشان كده رجعوني المدرسة”.

أوجه الشكر إلى الوزير طارق شوقي وزير التربية والتعليم والتعليم الفني، مردفة: “ساعدني وعرف وضعي وقد إيه مظلومة.. وهقف على رجلي تاني الضربة اللي مبتموتش بتقوي وبشكر الفنانين والمشاهير اللي دعموني والمحامية نهاد أبو القمصان”.

أضافت: “وكل حد بيتعرض للموقف دا خلي فيه خصوصية ومش كل الناس تثق فيهم.. صوروني بدون إذني أنتوا اللي صعدتوا الموضوع قوي، محدش بيشهر بنفسه”.

تابعت: “أنا مدرسة وعارفة يعني إيه مدرسة، وكنا في رحلة ترفيهية وبنتسابق وبنلعب ومش أنا الوحيدة اللي رقصت كنا 200 شخص، ودا يدل أنه استهداف.. أكيد مش هعمل لوحدي كده، لو كلهم قعدوا كنت قعدت كلنا كنا فرحانين”.

استكملت: “وللشخص اللي صورني مش هسيب حقي عشان دا كان في وسطنا عشان ميستهدفش حد تاني.. 6 دقايق حياتي ادمرت.. كلنا بشر وخطائين والمجتمع كله حسسني إن محدش عنده أخطاء، وأنا فعلا غلطت في طريقة رقصي وأنا غلطانة بعترف، وخدت جزائي ودرس قاسي جدا، وأنا خدت درس مبقتش أثق في حد”.