مبروك عطية: المجتمع دفع "فتاة الغربية" للانتحار

فتاة الغربية
علّق الدكتور مبروك عطية العميد السابق لكلية الدراسات الإسلامية جامعة الأزهر، على واقعة الطالبة بسنت خالد، التي أقدمت على الانتحار في إحدى قرى محافظة الغربية، بسبب تسريب صور “مفبركة” لها، من قبل بعض شباب القرية بهدف ابتزازها.

قال “عطية” خلال برنامج “يحدث في مصر” المذاع على شاشة MBC مصر ويقدمه الإعلامي شريف عامر: “بسنت الله يرحمها ضحية حاجتين، الحاجة الأولى العيال اللي فبركوا والتحقيقات شغالة ربنا ينور بالعلم وبالقضاء”.

نرشح لك: بعد انتحار فتاة الغربية.. المجلس القومي للمرأة يناشد الأهالي لدعم الفتيات

واصل: “والحاجة التانية المجتمع كله اللي خلاها تقبل على الانتحار لأن محدش هيرحمها، كلمة محدش دي تشمل المجتمع كله، الثقافة لازم تتغير، الخطاب الديني لازم ينهض، لازم نعرف الناس إن فيه عبادة تانية غير الصلاة، إن فيه عبادة لرب العالمين اسمها الستر”.

أوضح: “الستر ده لو وقع في أيدك فضيحة أو مشكلة، إنما أنت اللي بتعمل المشكلة وتفبرك وتنشر؟! ده مفيش كلام يشيل ذنب انتحارها”.

في نفس السياق، كشف مبروك عطية عن رأيه في الدعاء للشخص المنتحر بالرحمة.

قال: “بسنت الله يرحمها، بمناسبة (بسنت الله يرحمها)، فيه ناس هتقول لاء، أقول لهؤلاء الناس المحترمين، لأنكم مش عارفين الفرق بين خطاب الأحياء والكلام عن الأموات، مش خطاب الأموات، خطاب إيه؟ هي فين علشان نقولها ماتنتحريش؟ راحت).

أضاف: “ففيه هنا عنوان غايب عن اللي يقولك متترحمش عليه، اللي عايش نقوله متنتحرش ده كفر، موجودين يسمعوا كلامك، لكن اللي راح لا تملك له إلا الدعاء بالرحمة”.