تفاصيل انتحار موظف بمقر عمله بسبب ضغط المديرين

انتشرت خلال الساعات الأخيرة، عبر مواقع التواصل الاجتماعي، عدة أخبار حول انتحار موظف يدعى نور عاشور بمقر عمله، بإحدى الشركات بالتجمع الخامس، بسبب ضغط المديرين وإهانته منهم.

قالت روشان بغدادي، زميلة الموظف المنتحر بمقر عمله وشاهدة على واقعة انتحاره، خلال برنامج “الحكاية” المذاع عبر شاشة “mbc مصر”، مساء السبت، مع الإعلامي عمرو أديب: “البني آدم لما الدنيا بتيجي عليه، بيلجأ لشغلانة الكول سنتر.. نور الشيفت بتاعه كان الصبح عادي، أنا نزلت الساعة سبعة ونص لقيته منتحر ومرمي على الأرض.. يعني لو هنقول عنده خلافات بره الشغل كنا هنقول هينتحر أول اليوم إنما هو انتحر في نص اليوم وطلع رمى نفسه من الدور التالت عشان يتأكد إنه هيموت”.

نرشح لك: تفاصيل إجراء عملية إزالة ورم ناجحة من قلب جنين في بطن أمه

 

أضافت: “الشركة دي بقت ماشية بنظام الضغط، ولو غلط هتاخد كارت خلاص لحد ما تترفد، الولد عليه ديون ومديره بيقوله أنت كارت أسود.. وصحابه بيقولوا جوا إن قرار الرفد بتاعه كان طلع تقريبا، أنا لحد دلوقت المشرفة بتاعتي بكلمها بقولها مش قادرة أتحرك من الضغط بتقولي هتتجازي لو مجتيش.. مفيش رحمة”.

أردفت: “صحابه في نفس الحساب اللي هو شغال فيه، بيقولوا الحساب ده مقبرة والناس كلها بتشتكي من التعسف ومن المديرين، ومش هاممهم حاجة غير الأرقام وبس عشان الأجنبي اللي ماضي معاه عقد يدفعلي فلوس، أنا شوفت نور قدامي وحتت من دماغه ومخه طالعه على الأرض”.

استطردت: “جسم نور كان عامل كأن مفيش عضم فيه بسبب الوقعة، والمشكله أنه كان لسه بيتنفس.. والمدير قالوا إنه كان واقف مع الناس”.

لقاء إعلام دوت كوم مع الفنان محمد القس “غازي” في مسلسل “موضوع عائلي”