أحمد العوضي: كنت محطم خلال تعب ياسمين
محمد هيثم
قال الفنان أحمد العوضي، إنه كان محطم أثناء مرض زوجته الفنانة ياسمين عبد العزيز، مشيرا إلى أن الضعف موجود في كل شخص، ولا يوجد موقف أكثر ضعفا من أن ترى شريك حياتك يعاني أمامك وأنت عاجز عن مساعدته.
تابع “العوضي” خلال لقائه مع برنامج “معكم منى الشاذلي“، مساء الخميس، مع الإعلامية منى الشاذلي، عبر فضائية “cbc”: “الدكتور قالي قدامها من ساعة إلى ثلاث ساعات في العمليات فمضيت على الإقرار بتاع العملية ودخلت، وأنا مستني أنها تطلع وبعدين طلع الدكتور قالي قدامها النهاردة وبكرة لو عدى يبقى تمام، وكانت صدمة بالنسبالي لأني بسمع الكلام ده في الأفلام”.
نرشح لك: ياسمين عبد العزيز: لن أقاضي الطبيب المسئول عن الخطأ الطبي
أشار إلى أن علاقته هو وزوجته الفنانة ياسمين عبد العزيز علاقة جماهيرية، ودائما ما تشاركهم الجماهير في تفاصيل حياتهم وهذا شيء يسعهدهم، وعن المنشور الذي كتبه على حسابه بموقع التواصل الاجتماعي “فيس بوك”، قال: “أنا قولت مش كفاية أنا ومش كفاية صحابي ندعيلها لأنها مش في مشكلة، وأحمد هيحميها هي في مشكلة مع القدر ومش بيرد القدر غير الدعاء”.
واصل: “فكتبت البوست ده عشان الناس يدعولها، وأنا بكتبه كنت حاسس أن في ستارة سودة على وشي وأنا من طبعي مبحبش الشكوى بس دي مش شكوى ده كان رجاء بالدعاء ليها”.
من جانبها، قالت ياسمين: “جالي وهو بيعيط وحط راسه على رأسي وقالي اوعديني أن أنتي تكملي وتقومي وأنا من كتر الأدوية مكنتش قادرة أتكلم”.
أضافت: “كان بيعتلي رسائل على الواتساب عشان إحنا كنا مع بعض على الواتس علطول، فلما نتخانق أو أزعل منه ابعتله الرسائل دي تاني فيسكت”.
كانت الفنانة ياسمين عبد العزيز، كشفت عن التفاصيل الحقيقية لأزمة مرضها الأخيرة، والخطأ الطبي الذي تعرضت له.
قالت “ياسمين” خلال لقائها مع برنامج “معكم” مع الإعلامية منى الشاذلي، اليوم الأربعاء عبر شاشة “cbc”، إنها تعاني من مرض بطانة الرحم المهاجرة “chocolate cyst” منذ عمر 16 عام، معلقة: “أنا متعودة بعمل عملية معينة من وأنا عندي 16 سنة لأن عندي (chocolate cyst)، روحت للدكتور وهعمل العملية عادي بعد مسلسلي الأخير، اللي مشوفتش بعده خير من كورونا لتعب.. وأنا مش بحب أشتكي أصلا”.
أضافت: “المهم إن العملية كانت هتخلص بعد ساعتين ومعايا أحمد وبنتي وصاحبتي بس، طلعت منها فيه ألم رهيب وبصرخ لأول مرة وبقولهم أنا بموت، وباخد مسكنات ومفيش فايدة.. مرة واحدة لقيتهم بيقولوا لو معملتش عملية كمان ساعة هموت، طلع إن قولوني اتخرم وجالي تسمم في الدم، الدكتور كان داخل العملية وعارف إني هموت”.
أردفت: “وأنا داخلة العملية قولت لأخويا الكبير خلي بالك من ياسمين وسيف، لأني كنت حاسة إني مش هطلع.. وطلعت من العملية على العناية المركزة كانت الخراطيم والحقن في كل حتة في جسمي، اللي بيدخلوا عليا كانوا بيشوفوني بموت والدكاترة بيقولوا هي ماشية اليوم بيومه واللي بيدخل على الجهاز اللي أنا عليه ما بيطلعش.. جالي وقت قولتلهم أنا مش قادرة أكمل شيلوا كل حاجة أنا خلاص هبقى مرتاحة لو روحت لربنا”.