شاشة

صاحب مهرجان “شيماء”: أستعد لامتحانات نقابة الموسيقيين

قال يوسف سوستة، إن مهرجان “شيماء” هو إسكتش كوميدي، ولم يكن يتوقع أن يحقق هذا النجاح، لافتا إلى أنه حاصل على دبلوم سياحة وفنادق.

أضاف “سوستة” خلال مداخلة هاتفية مع الدكتور معتز عبد الفتاح مقدم برنامج “تحت الشمس”، مساء الاثنين، عبر قناة “الشمس”: “أنا شغال في مجال الأفراح من بدري، بغني كلام الشارع القديم والمهرجانات، كلام بتاعنا إحنا الناس البسيطة، أنا ساكن في عين شمس، وأنا لازم أكون ماشي مع مود الناس اللي وصلتني للي أنا فيه دلوقتي”.

نرشح لك: رأي أكرم حسني في هيفاء وهبي

 

تابع: “الإيفيه بتاع شيماء جِه من بساطة الشارع، وقصدت إن الناس تضحك وتنبسط وبس، كل الناس بتدور على شيماء لحد ما يكتشفوا في الآخر أنها بطة.. وأنا بشكر أي حد وقف جنبي من أول ما ابتديت لحد المرحلة اللي أنا فيها دلوقتي”.

كما أشار إلى أن عمره 23 عاما، وبدأ الغناء منذ الصغر، مردفا: “أول مرة غنيت كنت في 3 ابتدائي في إذاعة المدرسة، واحترفت الغناء من 4 – 5 سنين، ومعنديش حد معين قدوة ليّا، وأنا بعمل كل الألوان وبسمع كل الناس وكل أنواع المزيكا، وإن شاء الله أكمل معاكم وأكون عند حسن ظن الناس”.

أردف: “الميل للنوع ده من الأغاني اللي بنقدمها عشان الجمهور هو اللي جابرنا على كده، والغرض أن الأغاني دي يسمعها كل الفئات مش بس فئات الناس اللي في الشارع والأفراح، ومش أي كلام يتقال عشان برضو في أطفال”.

وردا على سؤال “مش خايف تتمنع زي مطربي المهرجانات اللي اتمنعوا؟”، قال: “أنا بحترم كل الناس وعلى دماغي، وأنا هدخل امتحانات النقابة وبخلص الأوراق خلاص”.

رنا رئيس تكشف لإعلام دوت كوم تفاصيل دورها في “موضوع عائلي”

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock