شاشة

رأي أكرم حسني في هيفاء وهبي

محمد هيثم

قال الفنان أكرم حسني، إن الفنانة هيفاء وهبي من أجمل الأشخاص الذين قابلهم في حياته، مشيرا إلى أن لديها ذكاء فني وإحساس بالجمهور.

أضاف “حسني” خلال لقائه في برنامج “صاحبة السعادة“، مساء الاثنين، المذاع على قناة “dmc” مع الفنانة إسعاد يونس: “ههيفاء من أجمل الناس اللي أنا قابلتهم في الحياة، مش في الوسط بس.. عادةً الناس بيقولوا على الست الجميلة إنها بتستغل جمالها في الشغل، هيفا عندها الجمال ده عنصر، لكن هي عندها ذكاء فني وذوق وإحساس بجمهورها، ودي نقطة مهمة جدا في الفنان”.

نرشح لك: تعليق هنادي مهنى على الغناء أمام الرئيس

 

تابع: “في فنانين موهوبين وأذكياء بس ممكن يبقوا منفصلين عن الجمهور، مش عارفين جمهورهم عايز منهم إيه، هيفاء عارفة الناس عايزة تشوفها إزاي، عارفة جمهورها بيحب إيه، عارفة مين الناس اللي لسه موصلتلهمش فتوصلهم إزاي”.

واصل:”أنا كنت بكتب الأغنية دي ليا، جالي إيفيه بتاع لو مكنتش بني آدم كنت هبقى إيه بدأت أقول لو كنت مجلة أو لو كنت أرنب بدأت أكتب الحاجات، وأنا بكتب قولت هو أنا ليه عايز أحصرها في وجة نظري أنا بس كراجل، طب الست لو كانت عايزة تشوف نفسها حاجة تانية كانت هتبقى إيه، أول كلمة كتبتها لو كنت كتاب كنت هبقي كتاب عن الجمال قولت هيفا وهبي”.

أشار إلى أنه كان يظن أنها لو وافقت ستكون تركيبة غير متوقعة، وكان غير المتوقع بالنسبة له هو نجاح العمل. مضيفا: “مشيت من عند الموزع والمفروض أن هو هيسمعها لهيفاء وبكرة هيرد عليا، كلمني وأنا مروح وقالي هيفاء سمعت وقالت أنا موافقة، ولما كلمتها قالتلي بص يا أكرم أنا مبجاملش في شغلي أنا أول ما سمعت الأغنية قولت إنها هتبقى الهيت بتاع الصيف ده”.

أكرم حسني

يذكر أن أكرم حسني، قدم مؤخراً أغنية “لو كنت” مع الفنانة هيفاء وهبي وحققت منذ طرحها 45 مليون مشاهدة عبر حسابها الشخصى علي اليوتيوب.

على صعيد آخر، تعاقد “حسني” مؤخرا، على بطولة مسلسل اجتماعي كوميدي يحمل اسم “مكتوب عليا”.

المسلسل من تأليف إيهاب بليبل وإخراج خالد الحلفاوي، وإنتاج كريم أبو ذكري.

رنا رئيس تكشف لإعلام دوت كوم تفاصيل دورها في “موضوع عائلي”

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock