كيف اساءت زوجة هاني شاكر لحفيد كمال الشناوي؟
حكى الفنان عمر كمال الشناوي، موقفا حدث معه، اساءت فيه زوجة الفنان هاني لشاكر لشخصه -بناء على ما ذكره- خلال تسلمه إحدى التكريمات في الأوبرا لجده الراحل الفنان الكبير كمال الشناوي.
كتب “الشناوي” عبر حسابه على موقع التواصل الاجتماعي “فيس بوك“: “دخلت زوجه الفنان هاني شاكر مصطحبه معها ابنها وصديق له وكان المكان المخصص لهم بجانبي، ولكن المشكلة هنا أن كان مخصص لهم كرسيين فقط وهما ثلاثة أشخاص قامت السيدة زوجة الفنان هاني شاكر نادهة الفتاة المسئولة عن تنظيم الجلوس في القاعه وقالتلها مين ده وقاعد هنا ليه”.
نرشح لك: نجيب ساويرس عن منع مطربي المهرجانات من الغناء: نفسنة وغيرة
تابع: “البنت وشوشتها في اعتقادي إن ده المكان المخصص لكمال الشناوي أو ده حفيد كمال الشناوي أو حاجه تانيه الله أعلم، قامت قايلة بصوت عالي يقوم إحنا ثلاثه هنقعد جنب بعض هنا.. البنت ردت قالتلها ده مكانه ومقدرش أقومه فضلت تردد (يقوم أنا مرات هاني شاكر وهو اللي بيحيي الحفلة) وبتبصلي بصات اكني حشرة قاعده وفضلت واقفة ومش ناوية تتنازل غير لما أنا أقوم..
البنت رضت عليها قالتلها أنا عندي حل إن حضرتك تقعدي في الصف ده وابنك وصديقه يقعدوا في مكان تاني في الصف الخلفك مباشرا يعني مش بعيد ردت قالتلها (لا هو يقوم إحنا هنقعد هنا)”.
أضاف: “أنا كنت محرج جدا لأن اولا أنا لوحدي ومحدش يعرف أنا مين ولأن الناس كلها بدأت تتفرج عليا اكني قاعد في مكان مش مكاني، لأن مفيش إنسان هيقوم حد من مكان مخصص له بالجرأة والتعسف ده.. في هذه اللحظه سمعت صوت لطيف جدا وكانت الفنانه لبنى عبد العزيز قالتلي تعالي يا حبيبي أقعد جنبي الكرسي ده فاضي فقمت بسرعة لأن كنت عاوز الموقف ده ينتهي والناس تنشغل بحاجة تانيه قامت مطبطه عليا وقالتلي متزعلش”.
