بعد فوز الأهلي.. أيمن بهجت قمر: يعني ايه أراعي مشاعر المنافس!
شارك الشاعر الغنائي أيمن بهجت قمر، الجمهور بتدوينة، رد من خلالها على منتقدي احتفاله بفوز الأهلي.
كتب “قمر” في التدوينة التي نشرها عبر حسابه الشخصي على موقع “تويتر”: يعني ايه بعض من جماهير الزمالك عاملين هجمة على حماقي وعليا وعلى أي حد يهزر ويحتفل بفوز فريقه.. يعني ايه أراعي مشاعر المنافس دي! شوفتوها فين قبل كده! وهل حقك انت ورموزك الزملكاوية تهزروا أو تهاجموا واحنا لا مثلا! عيب كبروا دماغكم بلاش مبالغة دي كورة أنا معرفش الجيل ده over أوي”.
يعني ايه بعض من جماهير الزمالك عاملين هجمه على حماقي وعليا وعلى اي حد يهزر ويحتفل بفوز فريقه ..يعني ايه اراعي مشاعر المنافس دي ! شوفتوها فين قبل كده ! وهل حقك انت ورموزك الزملكاويه تهزروا او تهاجموا واحنا لا مثلا ! عيب كبروا دماغكم بلاش مبالغه دي كوره انا معرفش الجيل ده over اوي
— Ayman Bahgat Kamar (@AymanBahgatamar) November 8, 2021
على صعيد آخر، كان أيمن بهجت قمر، قد رد على متابع اتهمه بتراجع مستوى أعماله خلال الفترة الماضية، وقال إن الفنانة نانسي عجرم لم تتعامل معه في ألبومها الأخير بسبب ذلك.
نرشح لك: شاهد: حماقي يستبدل كلمات أحد أغانيه احتفالًا بفوز الأهلي
قال “قمر” خلال رده على التغريدة: “هو أنت بتقول ايه! نانسي ما دخلته ايه! عيب عليك اسألوا نانسي ما فيش الكلام ده، بس العيب على اللي سايبكوا تقولوا كده، أنا عامل بالبنط العريض وحتة من قلبي وسنة الحياة للجسمي وعامل الكدابين لشيرين”، وطلب من “نانسي” الرد على تلك الشائعات.
وردت عليه “نانسي” خلال تغريدة: “يا أيمن، انت اللي هتفضل ترد على الكلام ده و يأثر فيك؟! مشوارنا ونجاحنا مع بعض مستمر بإذن الله، بحبك.. أه ونص”.