شاشة

محمد رشاد يوضح سبب ربط أغانيه بحياته الشخصية

نورهان عبد الرحمن

كشف المطرب محمد رشاد، عن حقيقة تعمده توجيه أغانيه لطليقته الإعلامية مي حلمي وعن سبب ربط أغانيه بحياته الشخصية، خاصة “أنا مش شمتان”، و”ابن الأصل”.

قال “رشاد” خلال لقائه مع الإعلامية”ياسمين عز”، عبر شاشة mbc مصر: “ده مش صح خالص، ليه بقى؟ لأن ابن أصل أو ولاد الأصل أو اللي مايعرفوش الأصل كتير أوي وموجودين في حياتنا كلنا مش في حياة محمد رشاد بس”.

نرشح لك: محمد رشاد عن “أنا مش شمتان”: مش تلقيح

 

وأردف: “فـ ولاد الأصل دول بتعرفي قيمتهم لما بيظهرلك حد كنتي دايماً شايفة إن هو ده اللي هيبقى صديق، قريب، صاحب، أخ، أخت، وفي الآخر يطلع حد من أهل الثقة اللي حواليكي دول مايستحقش الثقة دي فبقولي عليه إنت مش ابن أصل”.

تابع: “كذلك تقدري تغنيله بعد كدة أنا مش شمتان لما تحسي إن ربنا خدلك حقك بطريق غير مباشر وإنتي مش بتسعي لكدة لأن مش فارقلك”.

وأوضح: “فـ (ابن الأصل)، و(أنا مش شمتان) مش محمد رشاد بس اللي بيغنيهم ولا بيوجههم لحد أنا مش بوجه حاجة لحد، أنا بغني الحاجة اللي بحبها، و بحب إن أنا أسمعها، فلما أحب أسمعها يبقي أنا أغنيها أولى”.

اختتم حديثه قائلاً: “(أنا مش شمتان)، (ابن الأصل)، (في غيابه تمام)، في حاجات كتير بقي جايه”.

 

محمد جمعة يكشف حصريا لإعلام دوت كوم عن مشروع فني جديد يعيد فيه تقديم شخصية عم ضياء

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock