حسن شاكوش: نجوم مصر في حفلات الساحل كلهم بيغنوا بفلاشة
نورهان عبد الرحمن
علق مطرب المهرجانات حسن شاكوش، على قرار نقابة المهن الموسيقية بإيقافه لأجل غير مسمى، ومنع أي الغناء من خلال فلاشة مرة أخرى حيث لا بد أن يكون المغني بصحبة الفرق الموسيقية.
قال “شاكوش” في مداخلة هاتفية، أمس الاثنين، لبرنامج “الحكاية” المذاع على شاشة “MBC مصر” مع الاعلامي “عمرو أديب” إن بعض الناس من جمهور يطالبونه باحياء حفلاتهم بعيداً عن قرار النقابة بمنعه من الغناء، مضيفاً “والناس اللي ورايا دي فاتحه بيوت ومش معني أني بشتغل بفلاشة أني مبعرفش أغني أنا شغال معايا بعيد عن الفرقة 10 أشخاص”.
نرشح لك: محمد هنيدي: بعمل شخصية مطرب شعبي في مسرحية جديدة
وعن عدم تشغيله موسيقيين، قال: “يعني دلوقتي أنا اللي مبشغلش موسيقيين، دلوقتي حفلات الساحل كلها ونجوم مصر شغالة بفلاشة، بدون ذكر أسماء هما عارفين مين شغال بفلاشة ومين شغال بفرقة”.
استكمل: “ودلوقتي نجوم مصر شغالين بفلاشة لأن الناس دلوقتي لما بقولهم أنا هاخد قد كده بالفرقة الأجر بيبقي عالي، بيبقي السعر غالي عليهم وبيقولى تعالى بفلاشة”.
واستطرد: “المزيكا بتاعة المهرجان الفرقة متعرفش تطلع نفس الباور، يعني أنا بعرف أغني واشتغل على فرقة وطلعت في كذا برنامج بفرقة مطلعتش بفلاشة، يعني أنا إذا كنت بغني ولا عمر كمال صديقي وصاحبي بيغني على فرقة وبيغني على فلاشة”.
أردف: “في ناس تانية إخواتنا لأن هما دلوقتي بيقولوا حسن شاكوش خدنا في الرجلين، دلوقتي في ناس مبتعرفش تغني وناس كتير وهما عارفين مبيعرفوش يغنوا مع الفرقة، ميعرفوش مقامات”.
واصل: “إنه يعمل على حل المشكلة بعمل تليفونات لأحد أعضاء المجلس بالنقابة وبالتواصل معاهم، إني محتاج أشوف حل وأشوف أكل عيشي”.
يذكر أن نقابة المهن الموسيقية، أصدرت قرارها بمنع أي مطرب بالغناء على فلاشة مرة أخرى والغناء سيكون بصحبة الفرق الموسيقية.